तितोपाटी- साउदी अरेवियाले सवै अन्तराष्ट्रिय उडानहरु एकसाताकका लागि रोकेको छ । कोभिड १९ को नयाँ लहर (वेभ) को सम्भावनालाई मध्यनजर गर्दै एकसाताका लागि उडान रोकिएको र सो समयावधि अर्को साताका लागि पनि बढ्न सक्ने साउदी अरेवियाका सञ्चार मध्यमहरुले जनाएका छन् ।
नयाँ बन्देजसँगै हवाई, समुद्री बाटो तथा स्थलमार्ग भएर साउदी अरेविया प्रवेश गर्न पाइने छैन । स्वास्थ्य मन्त्रालयको सुझाव अनुसार यस्तो बन्देज लगाइएको साउदी अरेवियाको आन्तरिक मामिला सम्वन्धि मन्त्रालयले जनाएको छ । यस अगाडी नै केहि युरोपेली मुलुकहरु तथा बेलायतले कोभिड १९ को थप लहर आउन सक्ने भन्दै सचेत गराइसकेका छन् ।
यसअगाडी कुवेतले बेलायतबाट आउने तथा सो मुलुकमा जाने उडान रद्ध गरिसकेको छ । बेलायतले तिव्र गतिमा पुनः कोभिड १९ फैलिन थालेको घोषणा गरे लगत्तै लगाइएको हो ।
साँझासवालबाट
