तितोपाटी- कुवेतमा केही दिनको वर्षा पछी चिसो मौसम सुरु भएको छ। हिजो सोमवार कुवेतको मौसम चिसो भएको अनुभूति गरीएको छ भने कुवेतमा अब क्रमशः चिसो बढ्ने अनुमान गर्न सकिन्छ।
कुवेतस्थित मौसम विभागको पुर्वानुमान अनुगमनकर्ता अब्दुलाजीज अल– कारावीको जानकारी अनुसार अबको केही दिन पछी कुवेतमा निकै चिसो मौसम हुने बताएका छन।
अरबटाइम्समा उल्लेखित उक्त समाचारमा दिनमा मौसम मध्यम र रातमा चिसो हुने बताइएको छ।
पश्चिमी वायुको प्रभावले तापक्रम मध्यमगतिमा घट्ने सम्भावना रहेको छ। रिपोर्टका अनुसार न्यूनतम तापक्रम ११ र १३ डिग्री सेल्सियस त्यस्तै अधिकतम तापक्रम २० र २३ डिग्री सेल्सियस बिच हुनेछ।
केही दिन देखि लगातार वर्षा भएको कुवेतमा हिजो देखि भने मौसममा सुधार देखिएको छ।
