Thursday 28th August 2025

कोरोना संक्रमितको उपचार नगरे अस्पताल कारवाहीमा पर्ने


तितोपाटी – सरकारले कोरोना संक्रमितको उपचारको लागि जुनसुकै अस्पताललाइ पनि तोक्न सक्ने जनाउँदै सरकारको निर्णय पालना नगर्ने अस्पताललाइ सरकारले कारवाही गर्ने भएको छ । मन्त्रिपरिषद्को बिहीबारको बैठकले निजी, सहकरी, सरकारी, सामुदायिक जुनसुकै प्रकारका अस्पताललाई पनि कोरोना विशेष अस्पताल बनाउन सक्ने निर्णय लिएको हो । मन्त्रिपरिषद्का निर्णय सार्वजनिक गर्ने क्रममा सरकारका प्रवक्ता अर्थ एवं संचार तथा सूचना प्रविधिमन्त्री युवराज खतिवडाले सरकारले त्यस्तो निर्णय लिएको जानकारी दिएका हुन् ।

सरकारले आवश्यकताअनुसार सामुदायिक, निजी अस्पताल र स्वास्थ्य प्रतिष्ठानलाई समेत प्रयोगमा ल्याई हाललाई कम्तीमा ६ हजार बेडको प्रबन्ध गर्ने र आवश्यकता अनुसार थप व्यवस्था गर्दै जाने निर्णय लिएको उनले बताए । त्यस्तो गर्दा कसैले विरोध गरेमा कानुनअनुसार कारबाही हुने उनको भनाइ थियो । पछिल्लो समय निजी अस्पतालका संचालकले कोरोना संक्रमणको उपचार गर्न अस्पताल प्रयोग गर्न नदिने र बाधा पार्ने भन्दै प्रतिक्रिया आए पछि सरकारले यस्तो निर्णय लिएको हो ।

त्यस्तै, उपत्यकाबाहेकका क्षेत्रमा प्रदेश मुख्यमन्त्री तथा मन्त्रिपरिषद्को कार्यालयले संक्रमण जोखिमको विश्लेषणको आधारमा आइसोलेसन बेडको प्रबन्ध गर्ने मन्त्रिपरिषद्ले निर्णय गरेको छ । त्यसका लागि प्रदेश कोभिड- १९ संकट व्यवस्थापन केन्द्र र जिल्ला कोभिड- १९ संकट व्यवस्थापन केन्द्रले आवश्यक समन्वय गर्ने, आइसोलेसन व्यवस्थापन र सञ्चा‍लनका लागि आवश्यक बजेट प्रदेश कोरोना रोकथाम तथा नियन्त्रण उपचार कोषबाट उपलब्ध गराउने, आइसोलेसनको सुरक्षा प्रबन्ध नेपाली सेनाले गर्ने निर्णय मन्त्रिपरिषद्ले गरेको छ ।


सम्बन्धित शीर्षकहरु

इजरायली युद्धक विमानहरूले यमनको राजधानी सानामा हुथीहरू विरुद्ध आक्रमण गरे र दुई पावर स्टेशनहरू र इन्धन डिपो बाहेक राष्ट्रपति दरबार…

वासिङ्टन: राष्ट्रपति डोनाल्ड ट्रम्पले नजिकको राजनीतिक सहयोगी सर्जियो गोरलाई भारतका लागि अमेरिकी राजदूतको रूपमा नियुक्त गरेका छन्। नयाँ दिल्लीसँगको सम्बन्धमा…

कुवैत शहर, अगस्ट २३ आन्तरिक मन्त्रालय अन्तर्गतको लागूऔषध नियन्त्रण सामान्य विभाग (DCGD) निर्देशक ब्रिगेडियर जनरल मोहम्मद कबाजार्ड र उपनिर्देशक ब्रिगेडियर…

प्रतिकृयाहरू
...