बि. आर. उप्रेती-बारा,नेपाल-हाम्रो देश नेपालमा १०४ वर्षे जहानिया राणा शासन पछि राजत्रात्मक निर्दलिय पंचायत वयवस्था ३० वर्ष र २०४६ को जन आन्दोलनमा कति वीर नेपालीहरुले ज्यान आहुती गरि प्राप्त भएको बहुदलीय शासन प्रणाली अनि दश वर्षको जन युद्धमा हजारौं वीर वीरङ्गना नेपालीहरुको रगत यो भूमिमा मिल्यो ।
२०६३ सालको कम्युनिस्ट, काँग्रेसहरु लगायत अन्य दलहरूको संयुक्त आन्दोलन पछि देशमा नयाँ संविधान निर्माण भइ २०७२ मा घोषणा भएको संविधानको कार्यान्वयन एवं सबै राजनीतिक दलहरू राष्ट्र र जनताको सुख समृद्धिबारे विविध कार्यको घोषणा पत्र, भाषण गर्दै आम निर्वाचनमा भाग लिइ निर्वाचन सप्पन्न भयो । संख्यात्मक हिसाबमा कम्युनिस्टहरुलाई दुई तिहाइ जनमत प्राप्त भएको सर्वबिदित छ, राष्ट्रको संविधान अनुसार कम्युनिस्टले सत्ता सम्हालेर जनता र राष्ट्रको सेवा गर्दै यो देशलाई विश्वका विकसित मुलुकहरुको सामुन्ने उदाहरणिय देश बनाउन सकिन्थ्यो होला नी तर के गर्नु ? असफल ठान्छन् नेपाली जनताहरुले ।
राष्ट्रिय राजनीतिमा अघि बढेका कुनै पनि राजनीतिक दलहरू सत्तामा पुगी सकेका छन् तैपनि हत्या, हिंसा, भ्रष्टाचार जस्ता जघन्य विषम कु कार्यको झांग फैलिदै छ यस्तो किन ? कांग्रेस लगायत अन्य राजनीतिक दल पनि फुट्दै जोडिदै गर्दै आएका छन् (पार्टी नफुटे पनि भित्र भित्रै अन्तर विरोधको लडाई छ) कम्युनिस्टहरु पनि यस्तै हो । कति पटक फुट्ने र जुट्ने हुँदै अहिले पनि पार्टी भित्र गुटबन्दी, भागबन्डा, तँछाडमछाड आदि अन्तर विरोधको चर्चा भइ रहेको छ यही हो राष्ट्र र जनताको सुख समृद्धिको अनुभव ? जनताहरुको ठुलो आकांक्षा र आशा ओइलीदैछ ।
दुई तिहाईको मत दिई सत्तामा पुर्याइएको ने. क. पा. ले झैझगडा, पार्टी फुट आदि अन्तर विरोधलाई निस्तेज बनाई पार्टी भित्र सहयोग र सद्भावलाई मूल मन्त्र ठानी नि:स्वार्थ मेल मिलापका साथ हालको सरकारलाई निश्चित अवधिसम्म निरन्तर काम गर्न दिई भ्रष्टाचारको जरा नै उखेलेर फाल्ने सत्ता शासनको ईच्छा अझै पनि छ जनतामा ! यस्तो भएमा मात्र अहिले देखा परिरहेको विश्व महामारी कोभिड – १९ कोरोना भाइरससँग लडेर कोरोना युद्ध जित्न सक्ने भन्ने सबै नेपालीहरुको पूर्ण विश्वास भएको बुझिन्छ ।
