दिवंगत अभिनेता सुशान्त सिंह राजपूतको अन्तिम फिल्म दिल बेचाराको ट्रेलर सोमबार रिलिज भएको छ । उनका प्रशंसकले यसको निकै व्यग्रताका साथ प्रतिक्षा गरिरहेका थिए । त्यसैले त ट्रेलर सार्वजनिक भएको १६ घण्टामा नै यसलाई २ करोड बढीले हेरिसकेका छन् । यो अहिले दोस्रो नम्बरमा ट्रेन्डिङ भइरहेको छ । यो फिल्म जुलाई २४ मा ओटीटी प्लेटफर्म डिज्नी प्लस हटस्टारमा स्ट्रिम हुनेछ ।
करिब दुई मिनेटको यो ट्रेलरमा सुशान्त निकै छाएका छन् । ट्रेलरमा उनका उत्कृष्ट डायलग छन् जसमार्फत् उनी फिल्ममा क्यान्सरसँग जुधिरहेकी नायिका संजना सांघीलाई हँसाउने र उनको दुःख कम गर्ने कोसिस गरिरहेका छन् ।
सुशान्तको अर्को डायलग यस्तो छ, ‘एउटा थियो राजा, अर्की थिइन् रानी, दुबैको मृत्यु भयो समाप्त भयो कहानी…. तर यो कहानी अधुरो छ यसलाई ती राजा रानीले पूरा गर्छन् ।’ यसबाहेक अर्को डायलगमा उनी भन्छन्, ‘कहिले जन्मने, कहिले मर्ने त्यो हाम्रो हातमा छैन तर कसरी बाँच्ने भनेर हामी निर्णय गर्न सक्छौं ।’
