तिताेपाटी- नेपाली काङ्ग्रेस निकट नेपाली जन – सम्पर्क समितीद्वारा एक क्यान्सर पीडितलाई आर्थिक सहयोग गरिएको छ । नेपाली जन-सम्पर्क समिती कुवेतका सभापति राजेन्द्र बिरहीको संयोजकत्वमा विश्वका विभिन्न देशमा अवस्थित नेपाली जन – सम्पर्क समितीले नेपाली एक लाख पन्ध्र हजार रुपैयाँ आर्थिक सहयोग गरिएको छ ।
नेपाली काँग्रेसका पूर्ब सभापति गिरिजा प्रसाद कोईरालाको ९७ औं जन्म जयन्तीको अवसरमा बिपि कोईराला मेमोरीयल क्यान्सर अस्पतालमा उपचाररत क्यान्सर पीडित सनिचरी बि. क लाई रकम सहयोग गरिएको छ । महानगरपालिका वडा नम्बर २५ निबासी क्यान्सर पिडितलाई गैर आबासिय नेपाली संघका सचिब गौरी जोशीको बिशेष सहयोगमा काँग्रेस चितवनका सचिब उत्तम जोशीले सो रकम पिडित सनिचरी बि. क को परिवारलाई हस्तान्तरण गरिएको छ ।
घाटिमा क्यान्सर भएका कारण पाँच पटक सम्म केमो चढाएर औषधि गर्न पैसाको समस्या भए पछि राजेन्द्र बिरहिको पहलमा आर्थिक रकम संकलन गरिएको हो । घरको आर्थिक अबस्था कम्जोर भएका कारण उपचार गर्नबाट बन्चित भएको बिक को परिवारले सहयोगीहरु सहयोग प्रति धन्यबाद ज्ञापन गरेको छ ।
काँग्रेस चितवनका जिल्ला तथा वडा स्तरीय बिभिन्न नेताहरुको उपस्थितिमा गरिएको सहयोग हस्तान्तरण कार्यक्रममा बोल्दै परिवारले सहयोग उनको उपचार सम्पन्न भईन्जेल सम्मका लागि आग्रह गरेको छ । सहयोग हस्तान्तरण कार्यक्रममा बोल्दै काँग्रेस चितवनका सचिब जोशीले आबश्यक सहयोगका लागि काङ्ग्रेस तयार रहेको बताएका छन । नेपाल चिकित्सक संघका वरिष्ठ उपाध्यक्ष एबं क्यान्सर अस्पतालका नाक, कान घाँटी रोग बिशेषज्ञ डा. अनिल बिक्रम कार्कीले अस्पतालबाट हुने सहयोगका लागि सधै आँफुहरु तयार रहेको बताएका छन ।
विश्वका विभिन्न देशका नेपाली जन – सम्पर्क समिती न्युजिल्यान्ड, अमेरिका, साइप्रस, साउदी, बेल्जियम, हङकङ, आर्यरल्याण्ड, कतार, जापान, कुवेत, मकाउ, ने.ज.स.अमेरिका ल्याड़आइल्याड़ च्याप्टर उपसभापति बिनोद थापा, एनआरएनए का पुर्व अध्यक्ष डा.केशब पौडेल र एनआरएनए का सचिब गौरी जोशी लगायतबाट आर्थिक सहयोग गरिएको हो ।
