Thursday 31st July 2025

प्रवासी नेपाली एकता मञ्च ओमानले रुकुम चौरजहारी घटनाको सत्य-तथ्य छानबिन गर्न प्रेस विज्ञप्ति जारी गर्‍यो


तितोपाटी – रुकुम चौरजहारी नगरपालिका सोतिमा घटेको घटना सम्बन्धि प्रवासी नेपाली एकता मञ्च ओमानले २० जना विरुद्धको कर्तव्य ज्यानसम्बन्धी किटानी जाहेरी अनुसार सत्य-तथ्य छानबिन गरि दोषी उपर कुनै सामाजिक, राजनीति, जातिगत, आस्थागत पुर्वाग्रह तथा हस्तक्षेप नगरी प्रचलित कानुन बमोजिम आजिवन सजायको जोडदार माग गर्दै प्रेस विज्ञप्ति जारी गरेको छ ।

विश्व २१औं शताब्दीको बैज्ञानिक तथा कम्प्युटर युगको तिव्रगति तथा पृथ्वीको विकल्प खोजिरहेको अबस्थामा नेपाली समाज अझै लैङ्गिक, धार्मिक, सास्कृतिक, सामाजिक तथा विभिन्न जात-जाति भित्रका कुसंस्कार / दानवरुपि बिकृती विसंगतियुक्त क्रियाकलापहरुको लडाइ, समर्थन र प्रचारमा ग्रसित छ । जसको प्रतिफल गत जेठ १० गते राती चौरजहारी नगरपालिका सोति ८ को अकल्पनीय घटना एक उदाहरण हो । जुन घटनाको प्रकृति एक वर्ष भन्दा लामो समयसम्म नबराज बि.क.र सुस्मिता मल्ल बिचको अन्तर-जातीय प्रेम संमबन्ध हुनु नै प्रष्ट देखिएको छ ।

विश्व मानव जगतमा लैङ्गिकताको आधारमा महिला र पुरुष दुई जात मात्र छन । एक-अर्का बिच मन चित्त मिले मायाप्रेम गर्न पाउनुपर्ने मानवीय अधिकार, प्रचलित कानुन, राज्यसरकार तथा सरोकारवाला निकाय सबैलाई चुनौती दिदै बिखन्डन तथा सामाजिक सद्भाव खल्बल्याउने गरि भएका नबराज बि.क. , टिकाराम बि.क., गणेश बुढा मगर, लोकेन्द्र सुनार, गोबिन्द  शाही र सन्जु बि.क.को ज्यान लिएको नरसंहारको प्रवासी नेपाली एकता मञ्च ओमानले बिज्ञप्ती मार्फत घोर भ्रत्सना गरेको छ । साथै मृतक सबैमा हार्दिक श्रद्धाञ्जली र बेपत्ताहरुको तत्काल खोजी गर्न माग सहित सोकाकुल परिवार जनहरुमा गहिरो समबेदना व्यक्त गरेको छ ।

पीडित बाट दिएको २० जना विरुद्धको कर्तव्य ज्यानसम्बन्धी किटानी जाहेरी अनुसार सत्य-तथ्य छानबिन गरि दोषी उपर कुनै सामाजिक, राजनीति, जातिगत, आस्थागत पुर्वाग्रह तथा हस्तक्षेप नगरी प्रचलित कानुन बमोजिम आजिवन सजायको जोडदार माग गर्दै नेपाल सरकार, जिल्ला प्रशासन कार्यलय रुकुम / जाजरकोट, राजनीतिक पार्टीहरु, विभिन्न सामाजिक ब्याक्तित्व लगायत संबन्धित सरोकारवाला निकाय सबैमा हार्दिक अनुरोध गरेको छ ।


सम्बन्धित शीर्षकहरु

नागपञ्चमी पर्व आज परम्पराअनुसार नागको पूजाअर्चना गरी घरका मूलढोकामा टाँसेर मनाइँदै छ। यो पर्व प्रत्येक वर्ष श्रावण शुक्ल पञ्चमीका दिन…

सैन्यले आफ्नो परिचालन उद्देश्यहरूलाई मानवीय अनिवार्यताहरूसँग सन्तुलनमा राख्नुपर्छ, जसमा भोकमरी रोकथाम र नागरिक जीवनको सुरक्षा समावेश छ। एकै समयमा धेरै…

नेपाल पत्रकार महासंघअन्तर्गत क्रियाशील विभिन्न बैदेशिक शाखाहरूले प्रतिनिधित्व र सहभागिताको सुनिश्चिततासहित चारबुँदे माग पेश गर्दै महासंघकी केन्द्रीय अध्यक्ष निर्मला शर्मा…

प्रतिकृयाहरू
...