तितोपाटी – प्रवासी नेपाली एकता मञ्च ओमानले भिडियो कन्फरेन्सबाट बैठक सम्पन्न गरेको छ ।
बैठकमा विश्वभर महामारीको रुपमा फैलिएको कोरोना भाइरसबाट ओमानमा कार्यरत नेपालीको समस्या लगायत हालै नेपालको नयाँ नक्सा आधिकारिक रूपमा सरकारले सार्वजनिक गरेको विषयमा गम्भीरतापूर्वक छलफल भएको प्रवक्ता पुर्ण पहाडीले बताएका छन ।
प्रवासी नेपाली एकता मञ्च ओमानले नेपाल सरकारद्वारा नेपालको नयाँ नक्सा आधिकारिक रूपमा सार्वजनिक गरेको कार्यको स्वागत गरेको छ । साथै यो निर्णयलाई यथाशीघ्र कुटनैतिक संवादबाट कार्यान्वयन गर्न र कालापानीमा रहेका भारतीय सैनिकलाई अविलम्ब फिर्ता गरेर हाल भारतीय पक्षद्वारा अतिक्रमित नेपाली भुमिमा नेपाली झण्डा फहराउन माग गरेको छ ।
