Friday 23rd May 2025

कोठामा भेट्न बोलाएर प्रेमीको लिंग छेदन


तितोपाटी-प्रेममा विछोड भएपछि मानिसहरू अनेक गर्छन् । प्रायः विदेशतिरै हुने यस्ता घटना नेपालमा पनि हुन थालेका छन् । ‘अन्तिम पल्ट भेट्न आऊ’ भन्दै एक प्रेमिकाले प्रेमीको लिंग छेदन गरिदिएकी छन् ।

काठमाडौंको कपनमा डेरा गरी बस्ने युवतीले आफूलाई धोका दिएको झोंकमा प्रेमीलाई अन्तिम पल्ट भेट्न भन्दै कोठामा बोलाएको र चक्कुले लिंग छेदन गरेको महानगरीय प्रहरी अपराध महाशाखाले जनाएको छ ।१९ वर्षीया प्रेमिकाले मकवानपुर हेटौंडा घर भई हाल बौद्ध बस्ने वर्ष २१ का राजीव सुनुवारको लिंग छेदन गरेकी हुन् । सुनुवारको ओम अस्पतालमा आईसीयूमा राखेर उपचार भइरहेको छ । महानगरीय प्रहरी वृत्त बौद्धका डीएसपी रमेशबहादुर सिहंका अनुसार उनीहरू दुवै जना हायात होटलमा काम गर्ने गरेका छन् ।

धर्म फरक भए पनि काम एकै ठाउँमा गर्ने भएकाले दुवै जना प्रेम सम्बन्धमा बाँधिएका थिए । सुनुवारको परिवारले फरक धर्मकी केटी घरमा नभित्र्याउने बताएपछि सुनुवारले बिहेका लागि अस्वीकार गरेका थिए ।धर्मकै कारण छुट्टिने प्रस्ताव राखेका सुनुवारलाई अन्तिम पल्ट भेट्ने इच्छा भएको भन्दै युवतीले आफ्नो कोठामा बोलाएकी थिइन् । आफूलाई धोका दिएको भन्दै सोमबार चक्कुले सुनुवारको लिंग छेदन गरेको प्रहरीले जनाएको छ। प्रहरीले ती युवतीलाई नियन्त्रणमा लिएर अनुसन्धान गरिरहेको जनाएको छ ।


सम्बन्धित शीर्षकहरु

महानायक राजेश हमाल अभिनित चलचित्र ८ बर्ष पछि दर्शकले हेर्न पाउने भएका छन महानायक हमालको कमब्याक चलचित्र "नरसिंहा अवतार" शुक्रबार…

विश्वभरी संजाल फिजाएर नेपाली र नेपाली संघसस्थाको छाता संगठन बनिरहेको गैर आवाशीय नेपाली संघ अर्थात एनआरएनएको पछिल्लो एकता महाधिबेशन पनि…

लुलु हाइपरमार्केटले कुवेतभरि ग्ल्यामरको उत्सव‘सौन्दर्यको संसार’ अनावरण गर्‍यो । सौन्दर्य, सुन्दरता र आत्म-हेरचाहको चम्किलो उत्सवमा, लुलु हाइपरमार्केटले मे २१ देखि…

प्रतिकृयाहरू
...