तितोपाटी- लालीगुराँस सांस्कृतिक परिवार कुवेतले नवौ बार्षिक उत्सव तथा चौथो अधिवेशन आउँदो शुक्रबार गर्ने भएको छ । फर्वानिया स्थित आइडियल अडिटेरियम हलमा हुने कार्यक्रममा लालीगुराँस सांस्कृतिक परिवारले कृष्णजन्माष्टमी तथा रोपाई जात्राको कार्यक्रम राखेको अध्यक्ष माधब पौडेलले जानकारी दिए ।
उक्त कार्यक्रममा नेपालीको पहिचान, रितिरिवाज र चालचलन अनुसारको सांगीतिक प्रस्तुतिहरुसहित मारुनी नृत्य, रोपाई जात्रा लगायत पन्चेबाजाको कार्यक्रम हुने छ । कार्यक्रमको सम्पूर्ण तयारी पुरा भएको आयोजकले बताएको छ ।
उक्त दिनको कार्यक्रममा कुवेतमा कृयाशिल संघ संस्था, बुद्धिजिवि, समाजसेवी, पत्रकार, कलाकार, खेलाडी साथै सम्पूर्ण नेपाली दाजुभाइ तथा दिदीबहिनीहरुलाई पत्राचार गरिसकिएको भएपनि कारणवस पत्र वा निमन्त्रणा नपुगेको खण्डमा यसै समाचारलाई आधार मानेर कार्यक्रममा उपस्थिति भैदिन आयोजकले अनुरोध गरेको छ ।
थप जानकारी
मिति:- २३ अगष्ट, शुक्रबार
स्थान:- आइडियाल अडिटेरियम हल फर्वानिया
समय:- दिउँसो १२.३० बजे
