बिश्वास आचार्य, टोकियो- हिन्दु नेपाली नारीहरुको महान पर्व हरितालिका तिजलाई लक्षित गर्दै नवलपरासी समाज जापानले “तेश्रो नवलपरासी तीज धमाका” कार्यक्रम गर्ने भएको छ ।
नवलपरासी समाजले आउदो अगस्ट २६ तारिख जापानको टोकियो स्थित नाकानो जिरो हलमा तिज कार्यक्रममा गर्ने निर्णय गरेको छ उक्त तिज कार्यक्रममा नेपालका चर्चित लोक तथा दोहोरी गायिकाहरु सम्झना लामिछाने मगर र सुनिता दुलाल सगै जापानमा रहेर गित संगित क्षेत्रमा निरन्तर लागिपरेका कलाकारहरू गायक सुर्य खड्का, सुशील ज्ञवाली,चेतन घर्ती , समुन्द्र राज पौडेल ,गायिका सोना के.सी,निशा क्षेत्रीको जोडदार प्रस्तुति रहने आयोजक जनाएको छ ।
कार्यक्रमलाई भव्य, सब्य र व्यवस्थित बनाउनका लागी बिभिन्न उपसमितिहरु समेत गठन गरिएको छ ।कार्यक्रमको तयारी जोडदार रुपमा चलिरहेको नवलपरासी समाज जापानका सचिव ऋषिराम पौडेलले जानकारी दिएका छन । जस्तो सुकै अफ्ठेरो परिस्थिती आए पनि कार्यक्रम भव्य र सब्य हुनेमा ढुक्क रहेको नवलपरासी समाज जापानका अध्यक्ष गोपाल कंडेल र संयोजक गिता कंडेलले बताउदै टोकीयोमा छरीएर रहेका सम्पूर्ण नेपाली दाजुभाई दिदि बहिनिहरुलाई कार्यक्रममा उपस्थीत भई कार्यक्रम भब्य रुपमा सफल पार्न सहयोग गरिदिनु हुन् अनुरोध समेत गरेका छन ।
स्मरण रहोस् नवलपरासी समाज जापाले जापान सगैं नेपालको बिभिन्न सामाजिक क्षेत्रमा सहयोग गर्दै आईरहेको छ ।
