जितसँगै नेपाल अंक तालिकाको दोस्रो स्थानमा उक्लियो
सिंगापुरमा जारी आईसीसी टी–ट्वान्टी विश्वकप छनोट एसिया अन्तर्गतको खेलमा नेपालले कुवेतमाथि सानदार जित हात पारेको छ। शनिबार बिहान भएको खेलमा नेपालले कुवेतमाथि ७ विकेटको जित हासिल गरेको हो । कुवेतले दिएको १४२ रनको लक्ष्य नेपालले १५.५ ओभरमा ३ विकेट गुमाएर पूरा गरेको छ । कप्तान पारस खड्काको उत्कृस्ट प्रदर्शन संगै कुबेत बिरुद्द जित निकालेको नेपालले टीट्वेन्टी विश्वकपको ग्लोबल क्वालिफायर छनोट चरण नजिक पुगेको छ । 
नेपालको जितका लागि कप्तान पारस खड्काले उत्कृष्ट इनिङ खेल्दै १ छक्का र ११ चौकासहित ४२ बलमा ६८ रन बनाएक थिए । भने शदर भेषवाकरले ३८ रन र ज्ञानेन्द्र मल्लले १९ रनको जोड्न सफल भए । रोहितकुमार पौडेलले ६ रन जोड्दा दीपेन्द्रसिंह ऐरी १ रन मै आउट भएका थिए ।
नेपालले टस जितेर बलिङ रोजेको थियो पहिला ब्याटिङ गरेको कुवेतले २० ओभरमा ९ विकेट गुमाएर १४१ रन बनाएको थियो । कुवेतका लागि मोहमद काषिफले मात्रै नेपालको ३ विकेट लिएका थिए । कुवेतका लागि कप्तान मोहमद काषिफले सर्वाधिक ४९ रन बनाएका थिए ।
जितसँगै नेपाल अंक तालिकाको दोस्रो स्थानमा उक्लिएको छ । नेपाललाई टीट्वेन्टी विश्वकपको ग्लोबलमा छनोट हुनका लागि आइतबार हुने खेलमा सिंगापुरमाथि जित हात पार्नुपर्ने छ । पहिलो खेलमा कतारसँग ४ किवेटले पराजित भएको नेपालले दोस्रो खेलमा मलेसियालाई ७ विकेट हराएको थियो ।
तस्बिर:-सेतोपाटीबाट
