तितोपाटी -सुमधुर स्वरका धनी नेपाल आइडल सिजन–२ का विजेता रवि ओडको नयाँ गीत सार्वजनिक भएको छ । रवि ओड र प्रविशा अधिकारीले स्वरमा रहेको ‘उजाड यो’ बोलको नयाँ गीत बिहीबार मात्रै युट्युबमा सार्वजनिक भएको हो ।
बालकृष्ण न्यौपानेले लेखेका यो गितलाई अझै मिठो बनाउन सुनिल राइले संगीत दिएका छन् । यस गितको भिडियोमा मनै लोभ्याउने खालका सिनहरु देख्न सकिन्छ । गितको भिडियोलाई मुस्ताङका विभिन्न रमणिय स्थानहरुमा छायांकन गरिएको हो । भिडियोमा चर्चित मोडल सनम खडायत र श्रृष्टि खड्काले अभिनय गरेका छन् । रवि नेपाल आइडल विजेता पछि पछिल्लो समय निकै ब्यस्त रहेका छन् । उनले आइडल भएपछि आफ्ना दर्शक श्रोताका लागि आधा दर्जनभन्दा बढि गितहरु ल्याइसकेका छन् ।
उनले केहि दिन अघि मात्रै ‘घरमा कुरा’ बोलको गित ल्याएका थिए भने यस अघि ‘२ कौडीको बुद्धि ’ ,‘मिठो बोलीले ’ ,‘दिलको फ्रेममा’ लगायत गीतहरु बजारमा ल्याएका थिए । उनले आफ्ना सबै गितहरुलाई सबैले मन पराइरहेको र राम्रो प्रतिकृया पाइरहेको बताए ।
