तितोपाटी- हिन्दु नारीहरुको महान चाड हरितालिका तिज नजिकिदै गर्दा गायिका तथा मोडल सम्झना लामिछाने मगर र गायक गणेश न्यौपानेको संयुक्त आवाजमा तीज गीत ‘के साह्रो जिस्केको’ सार्वजनिक भएको छ । गायक न्यौपाने र गायिका सम्झना लामिछाने मगरको संयुक्त आवाजमा के साह्रो जिस्केको भन्दै एकले अर्कोलाई आक्षेप लगाइएको उक्त गीतमा रबिन लामिछानेको शब्द तथा संगीत रहेको छ भने कृष्ण बिकले संगीत संयोजन गरेका हुन् ।
राजेश घिमिरेको छायाँकन रहेको भिडियोलाई विष्णु शर्माले सम्पादन गरेका हुन्। गीतको अडियो कर्णप्रिय सुनिन्छ । त्यस्तै आकर्षक भिडियोमा प्रकाश र सम्झनाको जोडी गज्जब देखिएको छ ।मारुनी स्टुडियोमा रेकर्ड गरिएको गीत कुमार रानाले मिक्सिङ गरेका छन् । सोही गीतको भिडियो गायिका लामिछाने मगरकै युट्युब च्यानल सम्झना डिजिटलमार्फत सार्वजनिक गरिएको हो ।
