तिताेपाटी – एसईई अन्तर्गत शुक्रबार हुने समाजिक विषयको परीक्षा स्थगित भएको विरोधमा परीक्षार्थीहरुले जनकपुरमा प्रदर्शन गरेका छन् । प्रश्नपत्र परीक्षा पूर्व नै आउट भएपछि पूर्व निर्धारित शुक्रबार हुने अनिवार्य समाजिक विषयको रेगुलरतर्फको परीक्षा परीक्षा बोर्डले स्थगित गरेको छ ।
नियोजित रुपमा प्रश्नपत्र आउट गरेर परीक्षा स्थगित एवं रद्द गरी परीक्षार्थीलाई दुःख दिएको भन्दै आक्रोशित परीक्षार्थीले पीडारीचोकमा प्रदर्शन गर्नुको साथै केही सवारीसाधनमा तोडफोड समेत गरेका छन् ।
उनीहरुले पीडारीचोकमा टायर बालेर प्रदर्शन गर्न थालेपछि अहिले एकघण्टादेखि सडक अवरुद्ध भएको छ ।
अहिले पीडारीचोकको अवस्था तनावग्रस्त रहेको छ । विद्यार्थीको भविष्यसँग खेलबाड गरेको भन्दै जनकपुरको भानुचोकमा बिहान परीक्षार्थीहरुले प्रदर्शन गरेका छन् ।
सामाजिक विषयको प्रश्नपत्र बिहीबार नै बाहिरिएपछि अनिवार्य समाजिक विषयको रेगुलर तर्फको परीक्षा स्थगित गरेको छ ।
-उज्यालाेबाट साभार
