तितोपाटी – सुदुरपश्चिमेली नेपाली समाज कुवेतले हिजो कुवेत स्थित साल्मियाको डाम्पा रेस्टुरेन्टमा एक विशेष कार्यक्रमको आयोजना गरि महामहिम राजदुत यज्ञ बहादुर हमाल र उहाको धर्मपत्नी रिता हमाललाई सम्मान सहित भब्य बिदाई गरेको छ ।
सुदुरपश्चिमेली नेपाली समाज कुवेतका अध्यक्ष अमर खडकाको सभापतित्व र महासचिव निरुमाया खडकाको संचानलमा कार्यक्रम सम्पन्न भएको थियो, भने कार्यक्रममा सम्पुर्ण पदाधिकारी र सदस्यहरुको बाक्लो उपस्थिति रहेको थियो । कार्यक्रममा महामहिम राजदुत यज्ञ बहादुर हमाल र उहाको धर्मपत्नी रिता हमाल लाई दोसल्ला ओढाएर मायाको चिनो प्रदान गरेको थियो । त्यसैगरी सिर्जनशील युवा समाज कुवेतले पनि महामहिम राजदुत यज्ञ बहादुर हमाल र उहाको धर्मपत्नी रिता हमाल लाई दोसल्ला ओढाएर मायाको चिनो प्रदान गरेको छ ।
कार्यक्रममा बोल्दै महामहिम राजदुत यज्ञ बहादुर हमालले कुवेतको नगरिमा रहेर पनि कार्यव्यस्तताको बाबजुद पनि हरेक नेपालीको सुख, दुखमा साथ र सहयोग गरिरहेको र सुदुरपश्चिमको कला र सस्कृतीलाई प्रवासमा समेत झल्काउदै आइरहेको र आउदा दिनहरुमा पनि यसरी नै अगाडि बढ्नको लागि पनि सफलताको कामना गर्नु भएको थियो ।
कुवेतको नगरिमा चार वर्षको कार्यकालमा कुवेतमा भएका सम्पुर्ण संघ – सस्थाको साथ र सहयोग प्रती पनि धन्यवाद व्यक्त गर्नु भएको थियो । आउदा दिनहरुमा पनि यसरी नै सबै मिलेर नेपालीको कला सस्कृती जिवित राख्न पनि अनुरोध गर्नु भएको थियो । यति धेरै माया पाउँदा पाउदै पनि आफ्नो कार्यकाल समाप्त भएर बिदाइ भएर नेपाल जादा धेरै दुख लागेको पनि बताउनु भयो । आफुले पाएको माया, ममता र सम्मान लाई नेपाल गएर पनि कहिले नभुल्ने बताउनु भएको थियो ।
कार्यक्रमको अन्त्यमा सभापति अमर खड्काले कार्यक्रम भब्य र सभ्य रुपमा सफल पार्न उपस्थित सम्पुर्ण महानुभावलाई हार्दिक धन्यवाद व्यक्त गर्दै कार्यक्रम समापन गर्नु भएको थियो ।
