तितोपाटी – रौतहटमा दुईजना पुरुषको शव फेला परेको छ । गरुडा नगरपालिका ८ र माधवनारायण नगरपालिका ६ मा ती शव भेटिएको हो । छुट्टाछुट्टै स्थानमा वेवारिसे अवस्थामा रहेको शव स्थानीयले देखेपछि प्रहरीलाई खबर गरेका थिए ।
यसै गरुडा नगरपालिका ८ को जिंगडीयामा पनि एक पुरुषको शव फेला परेको छ । गौर चन्द्रनिगाहपुर सडकखण्डको जिगंडियामा बाटोको नालामा डुबेको अवस्थामा ३५ वर्षका एक पुरुषको शव भेटिएको इलाका प्रहरी कार्यालय गरुडाका प्रहरी निरिक्षक चर्तुभुज ओझाले बताए ।
फेला परेका दुवै शवको सनाखत हुन सकेको छैन । शवलाई पोष्टमार्टमा लागि जिल्ला अस्पताल गौर पठाइएको छ भने घटनाका बारेमा अनुसन्धान भइरहेको प्रहरीले जनाएको छ ।
