तितोपाटी – ऱ्यापर सिंगरका नामले चर्चित हनी सिंह चार वर्षपछि नयाँ लुकका साथ म्युजिक भिडियोमा देखिने भएका छन् । जुन भिडियोमा हनी सिंगल रूपमा देखिनेछन् । हनीले आफ्नो पुनरागमनलाई चर्चित बनाउन अहिले उक्त नयाँ भिडियोको फर्स्ट लुक फेसबुकमा सेयर गरेका छन् ।
हनीले आफ्नो नयाँ लुकसहितको फोटो फेसबुकमा सेयर गरेपछि भारतीय संगीत दुनियाँमा सनसनी मच्चिएको छ । हनीको यो नयाँ लुकलाई अहिलेसम्म लाखौँ दर्शकले हेरेर मन पराएका छन् । हनी सिंहले फेसबुकमा उक्त म्युजिक भिडियोको फोटो सेयर गर्दै लेखेका छन्– यो हो हनी सिंहको फर्स्ट लुक, चार वर्षपछि म्युजिक भिडियोमा सिंगल आउँदै छु ।
हनी सिंहको यो नयाँ भिडियोको सुटिङ क्युबाको राजधानी हवानामा भइरहेको छ । यो भिडियो छिटै बजारमा आउने तहल्का मच्चाउने अड्कल काटिएको छ । यसभन्दा अधि हनी सिंहको ‘उर्वशी’ एल्बमले विश्वव्यापी रूपमा तहल्का मच्चाएको थियो ।
यो गीतलाई युट्युबमा विश्वभरिका पाँच करोडभन्दा बढी दर्शकले हेरेका थिए । यो गीतमा शाहिद कपुर र कियारा आडवानीले अभिनय गरेका थिए । सन् १९९४ मा प्रदर्शन भएको प्रभुदेवा र नगमाको सुपरहिट फिल्म ‘हमसे है ‘मुकाबला’को चर्चित गीत उर्वशीबाट लिइएको हो ।
