गजल
घर छोडी पसें खाडी,मुग्लान र भोट आमा
पाउन सकिएन कतै, पैसा फल्ने बोट आमा ।।
पाइएन अवसर केहि, स्वदेश मै बस्दा पनि
ज्यानै बाजी लाउनु पर्ने, कमाउन नोट आमा ।।
मरुभूमि तातो हावामा,खुन ,पसिना बगाएर
जति राम्रो गरे पनि, लाउँछ सधैँ खोट आमा ।।
सिपमूलक शिक्षा लिइ,आउनु पर्ने रैछ यहाँ
मेसिनमा काम गर्दा, लाग्छ सधैँ चोट आमा ।।
थोरै पैसा पठाउँछु, साहुलाई पछि तिर्नुपर्छ
हजुरले फेर्नुस् चोली, बुवाले नि कोट आमा ।।
कमला न्याैपाने, झापा
हाल – भक्तपुर
