Sunday 27th July 2025

चर्चामा ग्ल्यामरस भारतीय नायिका दिशा पटानी


तितोपाटी – हेर्दाहेर्दै बलिउडकी ‘मोस्ट डिमान्डिङ’ अभिनेत्री बनेकी छिन् दिशा पटानी । ठूला-ठूला निर्माता निर्देशकहरु अफर बोकेर उनीकहाँ लाइन लागिरहेका छन् । 

दिशाले अहिलेसम्म दुईवटा मात्र बलिउड फिल्म खेलेकी छन् । र, ती दुवै फिल्म हिट भएका छन् । उनको पहिलो फिल्म थियो क्रिकेटर महेन्द्र सिंह धोनीको बायोपिक । जसमा उनले धोनीकी पत्नी साक्षीको भूमिका निभाएकी थिइन् । यही फिल्मबाट उनी नोटिसमा आइन् ।

हालै उनको दोस्रो फिल्म बागी २ प्रदर्शनमा आयो र धमाकेदार कमाई गर्‍यो । यस फिल्ममा दिशा आफ्ना रियल लाइफ ब्वाइफ्राइन्ड टाइगर श्राफसँग देखिएकी छन् । बागी २ को सफलतापछि दिशाको चर्चा चुलिएको हो ।

अहिले उनी सलमान खानको फिल्म ‘भारत’ मा व्यस्त छिन् । यस फिल्मका लागि जमेर मिहिनेत पनि गरिरहेकी छन् । साथै ऋतिक रोशनको जोडी भएर अर्को फिल्म खेल्ने पनि तय भएको छ ।

यसरी हातमा दुई प्रोजेक्ट भइसकेपछि तत्काल उनले अर्को अफर स्वीकार्ने सम्भावना छैन । यस्तोमा उनले सुपरस्टार अक्षय कुमारको जोडी बन्ने प्रस्तावलाई समेत नकार्नु परेको छ । उनलाई ‘हाउसफुल ४’ का लागि यो अफर आएको थियो । समय नभएको भन्दै उनले अफर अस्वीकार गरिन् ।

कुनै बेला बलिउडमा फिल्म पाउनका लागि निर्माता-निर्देशकको दैलो चहार्ने दिशा पटानीको करिअरले यति चाँडो यो उचाई लेला भन्ने सायदै कसैलाई लागेको थियो । उनी आफ्नो ग्ल्यामरस र सेक्सी छविका लागि पनि चर्चित छिन् ।


सम्बन्धित शीर्षकहरु

एजेन्सि-थाइल्याण्ड र कम्बोडियाबीचको सीमामा फेरि तनाव बढेको छ। थाइल्याण्डले कम्बोडियामा रहेको सैन्य अखडामा हवाई हमला सुरु गरेको छ। यसअघि बिहीबार…

लन्डन: गाजा पट्टीमा बिरामीहरूको उपचार गर्न स्वयंसेवा गरिरहेका बेलायती स्वास्थ्यकर्मीहरूले इजरायली आक्रमण र सहायतामा प्रतिबन्धका कारण गम्भीर जलेको र छर्राको…

पूर्वराष्ट्रपति विद्यादेवी भण्डारीले संविधानले पनि आफूलाई दलमा आवद्ध भएर राजनीतिमा संलग्न हुन नरोकेको बताएकी छन्। शुक्रबार काठमाडौंमा पत्रकार सम्मेलनको आयोजना…

प्रतिकृयाहरू
...