देशका विभिन्न जिल्लामा आएको बाढी पहिरोमा परी एक सातामै २६ जनाले ज्यान गुमाएका छन् ।
प्रतिनिधिसभाको बुधबारको बैठकमा बोल्दै गृहमन्त्री रामबहादुर थापाले असार १५ गतेदेखि आजसम्म बाढी, पहिरोबाट १६ जिल्लामा गरी २६ जनाको मृत्यु भएको जानकारी दिएका हुन ।
बाढीमा परी २ जना वेपत्ता भएका छन् भने करिब एक दर्जन व्यक्ति घाइते छन् । गृहमन्त्रीले दिएको तथ्यांकअनुसार बाँकेमा ४, रोल्पामा ३, सिन्धुलीमा २, कैलालीमा १, चितवनमा १, पर्सामा २, काठमाडामौं १, सर्लाहीमा २, तनहुँमा २, उदयपुरमा १, सिराहमा १, दाङमा १, मकवानपुरमा २, महोत्तरीमा १, बर्दियामा १ र बारामा १ जनाको मृत्यु भएको हो । प्रभावित क्षेत्रहरुमा तत्काल राहत र उद्धारका कार्य थालिएको उनले बताए ।
