तितोपाटी -रसियामा जारी विश्वकप फुटबल अन्तर्गत गयराती भएको खेलमा अर्जेन्टिना क्रोयसियासँग नराम्रो हार बेहोर्न बाध्य भएको छ । समूहको दोश्रो खेलमा अर्जेन्टिना क्रोयसियासँग ३-० ले हार बेहोर्न बाध्य भएको हो ।
यो हारसँगै अर्जेन्टिनाको अघिल्लो चरण प्रवेशको संभावना न्यून भएको छ । पहिलो खेलमा आइसल्याण्डसँग १-१ को बरारी खेलेको अर्जेन्टिना क्रोयासियासँग ३-0 ले पराजित भएको हो । अर्जेन्टिनाका गोल रक्षकको कमजोरीको फाइदा उठाउँदै पहिलो र तेश्रो गोल गरेको क्रोयसियाले दोश्रो गोल डिफेन्डरको कमजोरिको फाइदा उठायो ।
दोश्रो हाफको ५३ औं मिनेटमा एन्टे रेविचले गोल गर्दै क्रोयसियालाई अग्रता दिलाए । लुका मड्रिचले ८० औं मिनेटमा गोल गर्दै अग्रता दोब्बर पारे । ९१ औं मिनेटमा इभान राकिटिचले गोल गर्दै फराकिलो जीत दर्ता गरे । पहिलो हाफ गोलरहित बराबरी भए पनि दोश्रो हाफको सूरुमै क्रोयसियाले अग्रता बनायो ।
यो समूहबाट क्रोयसिया अघिल्लो चरण प्रवेश गरेको छ भने, आइसल्याण्डको एक खेलबाट एक अंक छ । उसले शुक्रबार नाइजेरियासँग खेल्दैछ ।
यो खेल जितेर आइसल्याण्डले क्रोयसियासँग बराबरी गरेपनि अघिल्लो चरण जाने छ । र हारे पनि उसको अघिल्ले चरणको संभवना कायमै हुने छ । तर यो अवस्थामा अर्जेन्टिनाले भने अघिल्लो चरणका लागि आइसल्याण्ड हारे पनि फराकिलो गोलअन्तरले पराजित गर्नु पर्ने छ । समूहको अन्तिम खेलमा अर्जेन्टिनाले नाइजेरिया तथा क्रोयसियाले आइसल्याण्डसँग खेल्दै छन् ।
