तितोपाटी – जमिन भन्दा माथिल्लो तह (वायुमण्डल) को मौसमी सूचना अब बेलुनले बताउने छ । मौसमको यथार्थ सूचना अध्यावधिक गर्दै सरोकारवाला सहित आम नेपालीलाई थाहा दिन नेपाली आकाशमा बेलुन उड्ने भएको हो ।
आज बुधवारदेखि हरेक दिन विहान काठमाडौंको कीर्तिपुरस्थित त्रिभुवन विश्वविद्यालय परिसरबाट बेलुन उड्दैछ । वायुको चाप, दिशा र गति, तापक्रम, बादलको अवस्था, जलवाष्पयुक्त हावा जस्ता पक्षको यथार्थ सूचना अद्यावधिक गर्न हरेक दिन विहान ५ बजेर ४५ मिनेट भित्रैमा बेलुन उड्ने छ । बेलुनसँगै जडान गरिने विशेष प्रकारको उपकरण ‘रेडियोसोन्ड’ले यस्तो सूचना संकलनमा सघाउने छ ।
