Saturday 28th June 2025

सलमानको हत्या गर्न खोज्ने पक्राउ


तितोपाटी – बलिउड अभिनेता सलमान खानको हत्याको योजनामा रहेका मोस्ट वान्टेड डन सम्पत नेहरालाई भारतीय प्रहरीले पक्राउ गरेको छ । हरियाणा प्रहरीको विशेष कार्यदलले हैदराबादबाट उनलाई पक्राउ गरेको हो ।

प्रहरीका अनुसार सम्पत नेहराले सलमान खानका प्रत्यक गतिविधिहरुलाई निगरानी गरिरहेका थिए । सलमानलाई मार्ने योजनाअुनसार मुम्बई गएर उनले सलमानले आउजाउ गर्ने स्थानदेखि लिएर उनका ‘बडी गार्ड’ का बारेमा पनि जानकारी लिइसकेका थिए ।

सम्पत नेहरा त्इही लरेन्स विश्नोई समुहका लागि काम गर्छन् जसले यसै वर्ष जनवरीमा सलमानलाई कालो हरिण प्रकरणमा ज्यान मार्ने धम्की दिएको थियो । लरेन्स विश्नोई एउटा खतरनाक गिरोह हो । यो सामाजिक सञ्जालमा पनि निकै सक्रिय छ । गिरोहका सदस्य नेहरामाथि हत्या, अपहरण, र सुपारी लिएर हत्या गरिएका दुई दर्जनभन्दा बढि अभियोग छन् ।

नेहराका आगामी निशाना सलमान खान थिए । यसैका लागि उनले सलमानको घरको रेकी गरेका थिए । सलमानलाई मारेर विदेश भाग्ने उनको तयारी थियो । कालो हरिण प्रकरणकै कारण सलमानको हत्या गर्ने षडयन्त्र रचिएको हो ।


सम्बन्धित शीर्षकहरु

भारत, पोल्याण्ड र हंगेरीका ४० वर्षभन्दा बढी समयपछि पहिलो अन्तरिक्ष यात्रीहरू बिहीबार अन्तर्राष्ट्रिय अन्तरिक्ष स्टेशनमा आइपुगेका छन्, स्पेसएक्सले निजी उडानमा…

पृथ्वी वरिपरि घुमिरहेको अदृश्य तर द्रुत गतिमा बढ्दो खतरा भनेको अन्तरिक्ष भग्नावशेष हो। यो भग्नावशेष पुराना उपग्रहहरू, रकेटका टुक्राहरू, भाँचिएका…

इङ्गल्याण्ड हालै NHS मार्फत क्यान्सर बिरामीहरूको लागि इम्युनोथेरापी उपचारको नयाँ, छिटो रूप प्रदान गर्ने युरोपको पहिलो देश बनेको छ। यस…

प्रतिकृयाहरू
...