Thursday 28th August 2025

अष्ट्रेलियामा ग्राहकको हत्या गर्ने नेपाली सेफलार्इ २३ वर्ष जेल सजायको फैसला


तितोपाटी डट कम – अष्ट्रेलियाको भिक्टोरियामा ग्राहकको हत्या गरेको आरोपमा पक्राउ परेका एक नेपाली सेफलाई २३ वर्षको जेल सजाय सुनाइएको छ ।

भिक्टोरियास्थित बालारात करी रेष्टुरेन्टमा कार्यरत नेपाली सेफ हरिप्रसाद ढकालले सन् २०१६ अक्टोबर २५ मा रक्सीले मातेर रेष्टुरेन्टमा होहल्ला गर्ने एक पाकिस्तानी ग्राहकलाई चक्कु प्रहार गरी हत्या गरेको ठहर भएको छ ।

ढकाल अष्ट्रेलियामा अवैध रुपमा बसोबास गरिरहेको समेत भेटिएकाले जेल सजाय भुक्तान गरिसकेपछि उनलाई नेपाल फिर्ता गरिने छ ।

५१ वर्षीय ढकालले पाकिस्तानी मुलका ३८ वर्षीय अब्दुल्लाह सिद्दिकीलाई चक्कु प्रहार गरेर हत्या गरेको स्वीकार गरेका छन् ।

घटनाको दिन बेलुकी पाकिस्तानी मुलका सिद्दिकी एक्लै रेष्टुरेन्टमा रक्सी पिएर बसिरहेका थिए, बेलुकी भइसकेकाले रेष्टुरेन्ट खाली थियो । उनले काउन्टरमा गएर वेट्रेससँग थप खानेकुराको अर्डर गरे ।

उनी रक्सीले होहल्ला गर्न थालिसकेका थिए त्यसैले ढकाल किचनबाट आएर उनले धेरै पिइसकेकाले थप खानेकुरा दिन नसक्ने बताए । त्यसपछि सिद्दिकी रिसाएर ढकाललाई गालीगलौज गर्दै धकेल्न थाले ।

स्थिति तनावपूर्ण भएपछि वेटे्रसले दुवैजनालाई झगडा नगर्न भनिन् तर झगडा साम्य भएन । सिद्दिकीले गालीगलौज गरिरहे त्यसले ढकाललाई रिस उठ्यो र किचनबाट चक्कु ल्याएर सिद्दिकी माथि १७ पटक प्रहार गरे ।

सिद्दिकीको हत्यापछि ढकालले रगत लत्पतिएको चक्कुलाई कपडाले बेरेर झोलामा राखी बि्रज मल हुँदै बालारात प्रहरी चौकीमा पुगी आत्मसमर्पण गरे ।

अदालतमा ढकालले आफ्नो प्रतिरक्षा गर्दा सिद्दिकीको मृत्यु हुन पुगेको बयान दिएका थिए तर, अदालतले उनलाई दोषी ठहर्याउँदै उनको दावीलाई अस्वीस्कार गरिदिएको छ ।

‘उनलाई छिटो रिस उठ्यो र उनले त्यस्तो कार्य गरे’ मुद्दाको अन्तिम सुनुवाई गरेका न्यायाधीस लेक्स लेस्रीले भने ‘यो निकै नै दुखद मुद्दा थियो, हत्या गर्नै पर्ने गरी सिद्दिकीले चुनौती दिएका थिएनन् ।’

‘एकको मृत्यको भएको छ । यी मानिसले लामो समय जेल सजाय भोग्दैछन् र त्यसपछि उनलाई उनको देश नेपाल फर्काइने छ’ न्यायाधीस लेस्रीले भने ।

ढकाललाई न्युनतम १७ वर्ष जेल सजाय दिइनेछ र सजाय अवधी सकिएपछि भने उनलाई नेपाल फिर्ता पठाइने छ ।

-अनलाइनखबरबाट


सम्बन्धित शीर्षकहरु

इजरायली युद्धक विमानहरूले यमनको राजधानी सानामा हुथीहरू विरुद्ध आक्रमण गरे र दुई पावर स्टेशनहरू र इन्धन डिपो बाहेक राष्ट्रपति दरबार…

वासिङ्टन: राष्ट्रपति डोनाल्ड ट्रम्पले नजिकको राजनीतिक सहयोगी सर्जियो गोरलाई भारतका लागि अमेरिकी राजदूतको रूपमा नियुक्त गरेका छन्। नयाँ दिल्लीसँगको सम्बन्धमा…

कुवैत शहर, अगस्ट २३ आन्तरिक मन्त्रालय अन्तर्गतको लागूऔषध नियन्त्रण सामान्य विभाग (DCGD) निर्देशक ब्रिगेडियर जनरल मोहम्मद कबाजार्ड र उपनिर्देशक ब्रिगेडियर…

प्रतिकृयाहरू
...