Sunday 20th July 2025

दुर्घटनामा परेका छोराको इच्छा पुरा गर्न छोराकी प्रेमिकासँग बाबु बने पार्टनर


तितोपाटी – काइली साउडर्स लामो समयदेखि प्रोम पार्टीमा जाने तयारी गरिरहेकी थिइन् । उनी आफ्ना प्रेमी कार्टर ब्राउनसँग उक्त पार्टीमा जानका लागि निकै उत्साहित थिइन् । तर प्रोम पार्टी हुनु एक महिना अघि पेन्सिल्भानियाका किशोरको कार दुर्घटनामा मृत्यु भयो ।

दुर्घटनाले १८ वर्षे काइलीलाई विक्षिप्त बनायो । उनले प्रोम पार्टीमा नजाने निश्चित गरिन् । यद्यपी, कार्टरका पिता रोबर्ट ब्राउनका पिताले काइलीले हाई स्कूलको प्रोम पार्टी नछुटाओस् भन्नका लागि उनको पार्टनर बने ।

रोबर्ट आफ्ना छोरा कार्टरकी प्रेमिका काइलीसँग गत शनिबार पेन्सिल्भानियाको मर्सस्बर्गस्थित जेम्स बुचानन हाई स्कूलको कार्यक्रममा उपस्थित भए । कार्टरले काइली प्रोम पार्टीमा उपस्थित होस् भन्ने चाहना राखेकाले आफू उनको पार्टनरको बनेको रोबर्टले जानकारी दिए ।

एक वर्षदेखि प्रेम सम्बन्धमा रहेकी काइलीलाई सरप्राइज दिनका लागि गत अप्रिल १५ तारिखमा कार्टर इन्डियाना स्टेट युनिभर्सिटीबाट आफ्नो घर जाँदै थिए तर उनको कार बाटोमा नै दुर्घटनाग्रस्त भयो ।

१९ वर्षे उनको घटनास्थलमा नै मृत्यु भयो ।

काइलीले प्रेमीको मृत्युपश्चात् प्रोम पार्टीमा नजाने निश्चित गरिसकेकी थिइन् तर प्रेमीका बुवाले कलेजमा काइलीसँगै उपस्थित हुने अनुमती लिएपछि उनी यसका लागि राजी भएको बताइन्छ ।

‘मेरो छोरो निकै मायालु र प्रेमिकाको केयर गर्ने खालको थियो । कायली पनि निकै प्यारी छिन्, उनी हाम्रो परिवारकी सदस्य हुन्,’ रोबर्टले सेन्टर डेली टाइम्सलाई भने ।

रोबर्टकी श्रीमती केलीलले काइली अझै पनि आफ्नो परिवारको सदस्य भएकाले यो सम्पूर्ण क्रियाकलाप गरेको जानकारी दिएकी छिन् ।


सम्बन्धित शीर्षकहरु

साहित्यिक मासिक जनमतमा प्रकाशित 'पुष्कर अथक रेग्मी विशेष अङ्क' माथि तानसेनमा परिचर्चा कार्यक्रम सम्पन्न भएको छ । पाल्पा साहित्य समाजका…

पाकिस्तानले एक प्रेस विज्ञप्ति जारी गर्दै पहलगाम आक्रमण, आतंकवाद र बलुचिस्तान लिबरेशन आर्मीमाथि आफ्नो प्रतिक्रिया दिएको छ। पाकिस्तानले भनेको छ,…

रूस र युक्रेनले युद्धमा मारिएकाहरूको थप शव आदानप्रदान गरेको क्रेमलिनले जनाएको छ क्रेमलिनका एक सहयोगीका अनुसार, गत महिना टर्किएमा दोस्रो…

प्रतिकृयाहरू
...