Friday 6th June 2025

वाइफाइ राउटर मार्फत मलवयरले मोवाइका डाटा चोर्न थाल्यो


तितोपाटी – साइबर सिक्योरिटी फर्म क्यास्पर्स्कीले एक नयाँ मेलवेयरबारे पत्ता लगाएको छ जसले वाइफाई राउटर्सको प्रयोग गरेर प्रयोगकर्ताको डिभाइस नियन्त्रण गर्दछ ।

‘रोमिङ म्याटिस’ नामको यो मेलवेयरले वाइफाई राउटरमार्फत प्रयोगकर्तालाई यस्ता वेबसाइटमा पुर्याउँछ जसले उनीहरुको सबै जानकारी चोर्छ । यो मालवेयरले जापान, कोरिया, चीन, बंगलादेशका प्रयोगकर्तालाई प्रभावित पारेको बताइएको छ । यसले दुई दर्जनभन्दा बढि भाषालाई सपोर्ट गर्दछ जसमा हिन्दी, बांग्ला, अरबी, रुसी, चीनियाँ भाषा समावेश छ । यो मेलवेयर अन्य स्थानमा पनि तीब्र रुपमा फैलिएको बताइएको छ ।

यो मेलवेयरले डिएनएस हाइज्याकिङ प्रक्रियाको प्रयोग गर्दछ । डीएनएस हाइज्याकिङ ब्राउजरलाई धोका दिने यस्तो प्रक्रिया हो जसमा ब्राउजरलाई लाग्छ कि यसले प्रयोगकर्ताद्वारा राखिएको डोमेन नेमलाई सही आइपी एड्रेससँग म्याच गरेको छ जबकी त्यो आइपी एड्रेस गलत हुन्छ । प्रयोगकर्ताद्वारा राखिएको डोमेन नेमको ओरिजिनल यूआरएल, युजरको ब्राउजर एड्रेस बारमा देखिन्छ जसका कारण प्रयोगकर्तालाई पनि शंका लाग्दैन ।

एकपटक प्रयोगकर्ता सक्कली जस्तो देखिने नक्कली वेबसाइटमा पुगेपछि प्रयोगकर्तालाई ब्राउजर अपडेट गर्नका लागि आग्रह गरिन्छ । त्यसपछि ‘क्रोम डट एपीके डट’ नामको नक्कली एप डाउनलोड हुन्छ । यो एप प्रयोगकर्ताबाट अकाउन्ट, भोइस कल, एसएमएस पठाउने र पाउने, अडियो रेकर्ड गर्ने, फाइल्सको एक्सेस आदि सम्बन्धित अनुमती माग्ने गर्दछ ।

यो एप्लिकेशनलाई इन्स्टल गरेपछि मेलवेयर राइट टू एक्सेसको प्रयोग गर्दछ र कुन गुगल अकाउन्ट डिभाइसमा प्रयोग भइरहेको छ त्यसबारे जानकारी लिन्छ । त्यस लगत्तै प्रयोगकर्तालाई उनको अकाउन्टसँग केही गडबड भएकाले पुनः साइन इन गर्न आवश्यक भएको बताउँदै मेसेज पठाउँछ । त्यसपछि एक पेज खुल्छ जसले प्रयोगकर्ताको नाम र जन्म मीति राख्न निर्देशन दिन्छ ।

-एजेन्सी


सम्बन्धित शीर्षकहरु

यसपटक नेपालको बजेटमा सुनमा विलासिता कर घोषणा गरिएको छ। यसले नेपालमा तस्करी गरिएको सुन आउने सम्भावना बढाएको छ। सुन व्यवसायीहरू…

सिड्नी: आफ्ना अलग्गिएका पतिका तीन वृद्ध आफन्तहरूको हत्या गर्न विषालु च्याउ प्रयोग गरेको आरोप लागेकी एक अष्ट्रेलियाली महिलाले बुधबार घातक…

दक्षिण कोरियामा भइरहेको चुनावमा ठूलो उथलपुथल भएको छ। लिबरल पार्टीका उम्मेदवार ली जे-म्युङले अन्य उम्मेदवारहरू भन्दा निर्णायक अग्रता लिएका छन्।…

प्रतिकृयाहरू
...