तितोपाटी- दुई राप्रपाबीच एकीकरण गर्ने सहमति भएको छ। शनिबार साँझ अबेर गरी कमल थापा नेतृत्वको राष्ट्रिय प्रजातन्त्र पार्टी र राप्रपा संयुक्तबीच एकीहरण गर्ने सहमति बनेको हो।
सहमति पत्रमा राप्रपा अध्यक्ष कमल थापा, र राप्रपा संयुक्तका डा प्रकाशचन्द्र लोहनी र पशुपति शमशेरले हस्ताक्षर गरेका छन्। पार्टी एकीकरण गर्ने निर्णय भएको राप्रपा अध्यक्ष थापाले ट्विट गर्दै जानकारीसमेत दिएका छन्। आगामी ६ महिनाभित्र महाधिवेशन गर्ने र सो समयसम्मका लागि तीनै जना अध्यक्ष रहने समेत सहमतिमा हस्ताक्षर भएको छ।
राजसंस्थासहितको प्रजातन्त्र र सापेक्ष हिन्दुराष्ट्रमा सहमत हुँदै दुवै पार्टी एक हुने भएका हुन्। एकीकरणको औपचारिक घोषणा भने फागुन २८ गते हुनेछ।
