Saturday 28th June 2025

कान फोहोर भयो, उसो भए डाक्टरको जानै नपर्ने घरेलु उपाय जान्नुहोस्


हामी मध्य धेरैले बिना सोचेरै कपास बड वा धारिलो वस्तुले कान सफा गर्न थाल्छौं, जसले प्रतिकूल हानि पुर्‍याउन सक्छ।

तर, केही सजिलो र प्रभावकारी घरेलु उपचारले कानको फोहोर सजिलै हटाउन सकिन्छ र त्यो पनि सुरक्षित तरिकाले, त्यसैले आउनुहोस् कान सफा गर्ने केही घरेलु उपायहरू बारे जानौं, जुन पूर्ण रूपमा सुरक्षित मानिएका छन्।

मनतातो नरिवलको तेलः नरिवलको तेललाई अलिकति तातो बनाउनुहोस्। ड्रपरको सहायताले २–३ थोपा कानमा हाल्नुहोस् र टाउकोलाई ५ मिनेटसम्म एकतर्फ झुकाएर राख्नु होस्। यसपछि यसलाई कपासले सफा गर्नुहोस्। यो तेलले कानमा जम्मा भएको इयरवाक्सलाई नरम बनाउँछ, जसले गर्दा सजिलै बाहिर निस्कन्छ।

जैतुनको तेलः

राति सुत्नुअघि २ थोपा जैतुनको तेल कानमा हाल्नुहोस् । यसपछि यसलाई कपासले सफा गर्नुहोस्। यसले इन्फेक्सनबाट पनि जोगाउँछ र कानको छालालाई मोइश्चराइजसमेत गर्दछ ।

हाइड्रोजन पेरोक्साइड र पानीको मिश्रणः

हाइड्रोजन पेरोक्साइड र पानी बराबर मात्रामा मिलाएर ड्रपरको साथ कानमा हाल्नुहोस्। २–३ मिनेट पछि आफ्नो टाउको झुकाउनु होस् र यसलाई सफा गर्नुहोस्। हप्तामा एक पटक भन्दा बढी प्रयोग नगर्नुहोस्।

नुन र मनतातो पानीः

तातो पानीमा एक चम्चा नुन घोल्नु होस्। कपासको बलले कानमा केही थोपा हाल्नुहोस् र केही समयपछि सफा गर्नुहोस्। यो सस्तो र सरल समाधानले कानको कोमल सफाईमा मद्दत गर्दछ।

बाफ लिनेः

तातो पानीको बाफ लिनुहोस् वा तौलियाले आफ्नो टाउको छोप्नुहोस् । यसले गर्दा कानको फोहोर खुकुलो भएर आफै बाहिर निस्कन्छ । यो विधि पूर्णतया प्राकृतिक छ र कानलाई आरामसमेत दिन्छ।


सम्बन्धित शीर्षकहरु

भारत, पोल्याण्ड र हंगेरीका ४० वर्षभन्दा बढी समयपछि पहिलो अन्तरिक्ष यात्रीहरू बिहीबार अन्तर्राष्ट्रिय अन्तरिक्ष स्टेशनमा आइपुगेका छन्, स्पेसएक्सले निजी उडानमा…

पृथ्वी वरिपरि घुमिरहेको अदृश्य तर द्रुत गतिमा बढ्दो खतरा भनेको अन्तरिक्ष भग्नावशेष हो। यो भग्नावशेष पुराना उपग्रहहरू, रकेटका टुक्राहरू, भाँचिएका…

इङ्गल्याण्ड हालै NHS मार्फत क्यान्सर बिरामीहरूको लागि इम्युनोथेरापी उपचारको नयाँ, छिटो रूप प्रदान गर्ने युरोपको पहिलो देश बनेको छ। यस…

प्रतिकृयाहरू
...