डा. हरिमोहन पोख्रेल, कोहिमा /मणिपुर राज्यको मुख्य क्रीडांगन मानिने खुमन लाम्पाक स्टेडियममा आजबाट एकसय एकतीसौं डूरान कप शुरू भएको छ ।
मुख्यमन्त्री सचिवालयबाट प्राप्त समाचार अनुसार उद्धाटन सत्रमा केंदीय रक्षा मंत्री राजनाथ सिंहको मुख्य आतिथ्य रहेको र राज्यका मुख्यमन्त्री एन बिरेनको सहभागिता रहेको सो कार्यक्रममा बोल्दै रक्षा मंत्रीले भने कि खेलको क्षेत्रमा विश्वकै पावरहाउस मानिने मणिपुरको प्रस्तुति कम छैन ।हामीले खेलकुदखेलकुदको विकास र विस्तार गर्नको लागि मणिपुरबाट प्रेरणा लिनुपर्ने छ ।उनले अगाडि थपे कि आजबाट शुरु भएको डूरान कपको एकसय एकतीसौं संस्करण पनि एउटा ऐतिहासिक नै हुने छ । यसै अवसरमा बोल्दै राज्यका मुख्यमन्त्री एन बिरेनले भने कि मणिपुरको योगदान विश्वमै रहेको कुरा यहाँका खिलाड़ीहरूको अथक प्रयासबाट हो भन्दा फरक नपर्ला ।
उनले अगाडि थपे कि केन्द्रबाट पनि खेलको उन्नति,विकास र प्रगति अनि शोधको नया बाटो खोलिनु पर्ने आवश्यकता देखिएको छ ।
यसै अवसरमा राज्यका सिविल र पुलिसका अधिकारीहरूको उपस्थिति रहेको थियो भने स्टेडियम खचाखच भरिएको थियो ।विभिन्न रंगारंग कार्यक्रमका साथ आरंभ भएको यस खेलले अवश्य पनि इतिहास बनाउने छ ।
स्मरण रहोस डूरान कप फुटबल मणिपुरमा पहिलो पटक आयोजना भएको हो ।
