डा. हरिमोहन पोखरेल, कोहिमा /नागालैंड राज्यको विभिन्न जिल्लाहरूमा अफ्रिकन स्वाइन फ्लू व्यापक रूपमा फैलिएको र विभिन्न जिल्लाहरूमा धेरै भन्दा धेरै नै सुँगुरहरू मरेको समाचार प्राप्त भएको छ ।
प्राप्त समाचार अनुसार राज्यको मोन, तुइनसाङ, फेक र कोहिमा जिल्लाको विभिन्न जग्गामा सुँगुर मरेको कुरा गाउबासीहरूबाट थाहा पाइएको छ ।
व्यापक रुपमा सुँगुर मरेकोले गर्दा राज्यको पशुपालन विभागले तुरुन्तै दिशा निर्देश जारी गरेको छ । सरकारले दिएको दिशा निर्देश अनुसार कुनै पनि मरेको सुँगुरको मासु नखाने तथा मरेको सुँगुरलाई कम से कम पाॅच फुट खनेर गाडिदिने गर्नुपर्ने छ । त्यस पछि पुन त्यस जग्गालाई सेनिटाइ गर्दै चुना पत्थरको घोल बनाई छरकिनु पर्ने छ ।
निर्देशले अगाडि जनाएको छ कि कुनै पनि सुँगुर ठीक संग दाना नखाएमा अर्थात जोरो आएका नजदीकैको पशुपालन विभागको कार्यालयमा सूचना दिनुपर्ने छ तथा बाहिरबाट ल्याएर बेचिएको सुँगुरको मासुको सेवन नगर्ने र बेच बिखनी पनि नगर्ने निर्देश दिएको छ ।
निर्देशले अझै अगाडि जनायो कि यदि कुनै व्यक्ति अथवा संस्था द्वारा बाहिरबाट ल्याएर बेच बिखानी गरेको पाइएमा सरकारले जरिमाना गराउने या कडा दण्ड दिने या दुइटै हुने छ ।
स्मरण रहोस् गतः साता नागालैंडको मोन जिल्लामा धेरै सुँगुरहरू मरेपछि यो खबर व्यापक रूपमा भाइरल भएको हो ।
—
कोहिमा नागालैंड भारत
