अम्बरिश पोख्रेल-
१. शहर बजारमा बाढी आउनु अगाडि नै बाढीको व्यवस्थापन गर्नु पर्छ तर सरकारले सम्पूर्ण कुरा सिडियोको जिम्मामा छोडेको छ । जुन हास्यास्पद छ ।
२. हावाहुरी, बतास,चट्याङ तथा खडेरी आउँछ विनास गर्छ । पीडित वर्षौसम्म पीडित भएको देखिन्छ । सिडियोले हेर्नु पर्छ । खडेरीको त सरकारले सूचना बटुलेको समेत थाहा छैन ।
३. बाढी, पहिरो, अति वृष्टि, खण्ड वृष्टि, क्लाउड ब्रष्ट, मुसलधारे पानी, भारी वर्षा आदि जल उत्पन्न प्रकोपले बर्सेनि सयौ नेपाली परिवारलाई पीडित बनाउँछ। सरकारले यसको व्यवस्थापन एउटा सिडियोको जिम्मा छोडेको छ ।
४. देशको सिमानाको रक्षा वा रेखदेख मात्र होइन, सिमानाको निर्धारण समेत सरकारले त्यही सिडियोलाई छोडेको छ । सिडियो साब चानचुने कहाँ हो र नेपालमा !
५. अरु नियमित प्रशासनको जिम्मेवारीका बारेमा त कुरा नै, गर्नु परेन उहाँहरुको।
६. अझ अहिलेको विश्व महामारीको व्यवस्थापन समेत जिल्ला जिल्लामा सिडियो साबकै जिम्मा छ । अचम्म लाग्छ, देख्दा सुन्दा र भोग्दा ।
७. तर दुःखको कुरा, नेपाल हो, जसलाई गार्हो पर्यो_ पर्यो, राज्यलाई खास मतलब हुँदैन । राज्यका माथिल्लो निकायमा रहेका अधिकारीहरू तथा पदाधिकारीहरुलाई यस्ता कुराहरूले असर गरेको हुँदैन । त्यही कारण एउटा सिडियोलाई यो सबै कुराहरूको जिम्मेवारी दिइएको छ ।
८. एउटा सिडियोले के के गर्ने हो ? के के विषयको बिज्ञ हुन्छन् सिडियोहरु ? जिल्ला जिल्लामा सिडियोलाई सहयोग गर्ने बिज्ञहरुको उपलब्धता कति छ नेपालमा ? केन्द्रमा त सही सल्लाह दिनेहरुको अभाव देखिन्छ ।।
९. तर माथिका कम्तीमा पनि एक देखि चार सम्मका जिम्मेवारी सिडियो साबबाट निकाल सरकार ।
१०. प्राकृतिक विपत्तिका लागि जिल्ला जिल्लामा नयाँ निकायको निर्माण गरौं । केन्द्रको एउटा निकायले सबैतिर सक्दैन। सीमा सुरक्षा चाहिँ जनपद पुलिस, ससस्त्र तथा सेनालाई जिम्मा दे सरकार।
अस्तु।
