तितोपाटी- दाङको घोराहीस्थित राप्ती स्वास्थ्य विज्ञान प्रतिष्ठान थप एक जनामा कोरोना भाइरसको संक्रमण देखिएको छ। पछिल्लो पटक बिहीबार थप एक जनाको कोरोना रिपोर्ट पोजेटिभ आएको प्रतिष्ठानले जानकारी दिएको छ।
संक्रमित व्यक्ति घोराही ३ बस्ने ३७ वर्षीय पुरुष रहेको जानकारी प्रतिष्ठानले दिएको छ। उनी सम्बन्धित सरकारी निकायको सम्पर्कमा रहेको समेत प्रतिष्ठानले एक विज्ञप्ति जारी गर्दै जानकारी दिएको छ।
योसँगै देशभर कोरोना संक्रमितको संख्या ४ सय ५४ पुगेको छ। बिहीबार स्वास्थ्य तथा जनसंख्या मन्त्रालयले गराएको अपडेटमा ४ सय ५३ जनामा कोरोना संक्रमण भएको पुष्टि भएको जानकारी दिइएको थियो।
प्रतिष्ठानमा हालसम्म १ हजार ५४ जनाको परीक्षण गरिएपनि २ सय ९० जनाको रिपोर्ट आउन बाँकी छ। रिपोर्ट आएका ७ सय ६४ मध्ये तीन जनाको पोजेटिभ आएको हो।-नेपाललाईभबाट
