तीतोपाटी- नेपालमा थप आज (बुधबार) साँझ २४ जनामा कोरोना संक्रमण पुष्टि भएको छ । योसंगै संक्रमितको संख्या २४३ पुगेको छ । स्वास्थ्य तथा जनसंख्या मन्त्रालयका अनुसार रुपन्देहीमा १२, कपिलवस्तुमा ८, पर्सामा तीन र नवलपरासीमा एक जनामा कोरोना संक्रमण पुष्टि भएको छ ।
रुपन्देहीमा २२ देखि ४१ वर्ष उमेर समूहका ९ जना पुरुष, ४, १० वर्षका बालिका र २८ वर्षीया महिलामा कोरोना संक्रमण पुष्टि भएको छ । त्यस्तै कपिलवस्तुमा २२ देखि ४२ वर्ष उमेर समूहका ८ जना पुरुषमा कोरोना संक्रमण पुष्टि भएको छ । त्यस्तै पर्सामा ३६ र ७४ वर्षीय पुरुष र ३६ वर्षीया महिलामा कोरोना संक्रमण पुष्टि भएको छ ।
