तितोपाटी- झापाको कमल गाउँपालिका ५ बसन्तपुर चौकका देवराज लिम्बूको उपचारमा सहयोग गर्न परिवार तथा छिमेकीले याचना गरेका छन् । मेनेजाइन्टिस् बिग्रीएर मेनिगो इन्सेफ्लाइटिस भएको र उपचारका लागी बिर्तामोडस्थित बिएण्डसी अस्पातालमा राखिएको छ ।
उनि अहिले अर्धचेत अवस्थामा छन् । डा.पंगज नेपालको टिमले मेनिगो इन्सेफ्लाइटिसले सिधै दिमागमा असर गर्ने भएकाले यसको उपचार भएपनि ७ महिनाभन्दा बढी समयपछि सामान्य ठिक हुने र उपचार सम्मभव भएको बताएका छिमेकी मनोज भुजेलले बताए ।
यसअघि लिम्बूलाई बिराटनगरको नोबेल अस्पतालमा लगिएको त्यहाँ ७ दिन राखियो तर पैसा अभावमा उनलाई र्फिता ल्याइएको भुजेलले बताए । नोबेल अस्पतालमा ७ लाख जति सकिएको र बिएण्डसी अस्पतालमा दैनिक ७० हजार बढी खर्च हुने गरेको भुजेलले बताए ।
भुजेलले भने –उनलाई कडा औषधी प्रयोग गर्नुपर्छ , ऋण धन गरी सबै पैसा उपचारमा सकियो ,अब सहयोग याचना माग्नुको विकल्प छैन,। हालसम्म करिब १२ लाख खर्च भईसकेको छिमेकी इन्द्रकुमार राईले बताए । राईका अनुसार लिम्बूकी श्रीमती पनि गर्भवती छिन् ।
श्रीमान ३० बर्षकै उमेरमा अर्धचेत भएपछि उनलाई पनि यो बेला पिडा थपिएको छ । उनिहरुसँग अब सम्पतीको नाममा साढे ३ धुरमा सानो एउटा घर छ । देवराज लिम्बु बाचाऊ अभियानले सोमबार दमकमा पत्रकार सम्मेलनको आयोजना गरी उपचारमा सहयोग पुर्याउन आग्रह गरेको छ ।
यदि तपाईहरु पनि उनलाई सहयोग गर्न चाहानुहुन्छ भने ९८१०३८५१११ मा सम्पर्क गर्न भनिएको छ । यस्तै लिम्बूकी भाउजु सितादेवि भुजेलको नाममा एनएमबि बैङमा खोलिएको ०६४२४८००७९४२५८०००००१ नम्बरको खातामा समेत सहयोग रकम जम्मा गर्न सकिने छिमेकी मनोज भुजेलले बताए ।
लिम्बूकी भाउजु सितादेबिले आफुहरुसँग भएको सबै सम्पती उपचारमा सकिएको र कुनै उपाय नभएपछि सहयोग याचना गर्न बाध्य भएको बताइन् । उनले देश परदेशमा रहेको सम्पूर्ण दाजु भाई तथा दिदि बहिनीहरुसँग सहयोगको अपिल गरेकी छन् ।
