तितोपाटी – बिश्वकर्मा समाज नेपाल कुवेतले गुल्मी जिल्ला चन्द्रकोट गा.बि.स वाड न. ७ रुपाकोट स्थायी घर भएका दुबै मृगौला पीडित गोपाल बिश्वकर्मा लाई ५२ हजार नेपाली रुपैयाँ आर्थिक सहयोग गरेको छ ।
केही समय पहिले देखि गोपालको दुबै मृगौला फेल भएको थियो । घरको आर्थिक अवस्था कमजोर भएकोले उनको उपचारमा समस्या भएको छ । बिश्वकर्मा समाज नेपाल कुवेतले उनको उपचारको लागि केही समयको लागि छुट्टी लिएर नेपाल गएका बिश्वकर्मा समाजका संरक्षक तथा सस्थापक शिव घमाल बिश्वकर्मा, वरिष्ठ सल्लाहकार गम बहादुर बिश्वकर्मा, सल्लाहकार ओमप्रकाश बिश्वकर्मा र बुटवल देबिनगर बिजयपथ साझा टोल बिकास सस्थाका अध्यक्ष लिला बहादुर बिश्वकर्माले पीडितको घरमा पुगेर आर्थिक सहयोग गरेका हुन ।
“बिश्वकर्मा समाज एक हौ कला, सीप र पहिचानको संरक्षण गरौं” भन्ने मूल नाराका साथ कुवेतको नगरिमा स्थापन भएको समाजले विभिन्न किसिमका दुखी, गरिब र असहायहरुलाई सहयोग गर्दै आएको छ । समाजले आउदा दिनहरुमा पनि निरन्तर रूपमा दुखी, गरिब, असहाय र कुवेतमा अलपत्र परेका नेपालीहरुको उद्धार कार्यमा अग्रसर हुने पनि बताएका छन । साथै कुवेतमा कृयाशिल विभिन्न सामाजिक संघ- संस्थाहरूसँग कार्यगत एकता, समन्वय, सहयोग, हातेमालो, आपसीहितका लागि निरन्तरता दिने समाजका अध्यक्ष हितकाजी बिश्वकर्माले बताएका छन ।
