गजल

छैन ताजा खानेकुरा यहाँ,नत शुद्ध जल छ ।
एकाध मात्र पाइन्छ सत्य, जताततै छल छ ।।

बाटो भरि फोहोर मैला,कतै खाल्डा खुल्डी
खोलानालामा मिसाइएको,गन्हाउने ढल छ ।।

अत्याधिक छन् साधनहरु,अनि जामले गर्दा
गन्तव्यमा समय छँदै पुगेको ,न त कुनै पल छ ।।

कोहि सुत्छन् सडकमै,छैन ओत लाग्ने छाप्रो
कसैको चै गगनचुम्बी,सजिसजाउ म~हल छ ।।

एकै नासको छैन जीवन,सबका आफ्नै कथा
कसैलाई छ चरम सुख,काहिँ आँसुको भल छ ।।

(स्रष्टा कमला न्याैपानेको उपरोक्त गजल हाम्रो राजधानीको अवस्था बारेमा लेखिएको हो ।)

कमला न्याैपाने, झापा

हाल – भक्तपुर