श्रावण महिना
यो त हो महिना चौथो, नाम यसको छ श्रावण ।
पानीपर्दा हरियाली, खुसी हुन्छन् अधिक जन ।।
धानका बोट सप्रन्छन् खेतपाखाभरि भरी ।
फुर्सदमा सबले गर्छन् भजनकीर्तन हरि हरि ।।
पाइन्छन् साग–तरकारी विभिन्न गुण, स्वादका ।
कर्कलो फर्सीका मुन्टा, काँक्रो विविधजातका ।।
हुर्कन्छन् कलिला तामा घरछेउकै बाँसघारीमा ।
वनमा निउरो बढ्छन्, नास्पाती प्रशस्त बारीमा ।।
अन्नको, आय–आर्जनको आधार हो मास श्रावण ।
धेरै छन् यसका राम्रा, लाभदायी गुणै–गुण ।।
डा. एकराज ओझा
मौवा, डोटी, नेपाल
हालःकार्यविनायक, ल.पु.।
