Sunday 8th June 2025

मेक्सिकोलार्इ २-० ले हराउँदै ब्राजिल क्वारटरफाइनलमा प्रवेश


तितोपाटी – मेक्सिकोलाई २–० ले पराजित गर्दै ब्राजिल रसियामा जारी विश्वपक फुटबल प्रतियोगिताको क्वार्टर फाइनलमा प्रवेश गरेको छ । पहिलो हाफ गोलरहित बराबरी खेलेको ब्राजिलका लागि नेमार र रोबर्टो फर्मिन्होले गोल गरेका थिए । यो सँगै ब्राजिल विश्वकपमा लगातार सातौँ पटक क्वार्टर फाइलनमा पुगेको छ ।

पहिलो हाफ गोलरहित बराबरी खेलेको ब्राजिलका लागि नेमार र रोबर्टो फर्मिन्होले गोल गरेका थिए । विश्वकप फुटबल प्रतियोगिता अन्तरगत प्रिक्वार्टर फाइनल खेल अन्तरगत पहिलो हाफमा गोलरहित बराबरी खेलेको अवस्थामा दोस्रो हाफको सुरुमा नेमारले गोल गर्दै मेक्सिकोविरद्ध अग्रता दिलाएका थिए ।

खेलको ५१ औँ मिनेटमा डी बक्स भित्रबाट विलियनले दिएको क्रस पासलाई नेमारले टच गरेर जालीको दिशा दिएपछि ब्राजिलले अग्रता बनाएको थियो । पहिलो हाफ गोलरहित बराबरी खेलेका दुवै टिम दोस्रो हाफमा आक्रमक भएको अवस्थामा ब्राजिलले अग्रता लिएको थियो ।

त्यसपछि मैदानमा प्रवेश गरेको केही मिनेटमै ब्राजिलका लागि रोबर्टो फर्मिन्हो स्कोर गर्न सफल भएका थिए । फर्मिन्होले नेमारको पासमा खेलको ८८ औँ मिनेटमा गोल गर्दै ब्राजिललाई २–० को अग्रता दिलाएका थिए ।

ब्राजिललाई यो पटकको विश्वकपको दाबेदारका रुपमा हेरिएको छ । ब्राजिललाई मेक्सिकोले सुरुमा दबाबमा राखेको थियो । उसले केही राम्रा मुभ निकालेर ब्राजिलविरुद्ध आफू कम्जोर नभएको संकेत दिएको थियो ।

अर्कातिर ब्राजिलले पनि मेक्सिकोको डी बक्समा केही राम्रा मुभ निकाले पनि स्कोर गर्न सकेको थिएन । एकै महादेशका यी बलिया टोलीबीचको भिडन्तमा पहिलो हाफमा बल पोजेसन भने मेक्सिकोले आफ्नो पक्षमा राखेको थियो ।

मेक्सिकोका लोझानोले ब्राजिलविरुद्ध केही राम्रा प्रयास गरेका थिए । तर, ब्राजिलले पनि मेक्सिकोको डी बस्कमा केही राम्रा दबाब दिन सकेको थियो । मेक्सिकोले ५१ प्रतिशत बल पोजेसन बनायो भने ब्राजिल केही दबाबमा पर्दै ४९ प्रतिशत पोजेसन बनाउन सकेको थियो ।

खेलको पुरै समयमा मेक्सिकोले बल पोजेसन राम्रो राखेको थियो । उसले ५४ प्रतिशत बल पोजेसन राख्दा ब्राजिलले ४६ प्रतिशत मात्रै राखेको थियो ।


सम्बन्धित शीर्षकहरु

त्रिभुवन विश्वविद्यालय शिक्षण अस्पताल, महाराजगन्जमा नेपालमै पहिलोपटक लिंग परिवर्तनसम्बन्धी शल्यक्रिया सफल भएको छ । जनकपुर निवासी २५ वर्षीय एक ट्रान्सजेन्डर…

वाशिंगटन: संयुक्त राज्य अमेरिकाले रुसी राष्ट्रपति भ्लादिमिर पुटिनले गत सप्ताहन्तमा ड्रोन आक्रमणको बारेमा युक्रेन विरुद्ध दिएको धम्कीपूर्ण बदला अझै गम्भीरतापूर्वक…

अमेरिकी राष्ट्रपति डोनाल्ड ट्रम्प र टेस्लाका मालिक एलोन मस्कबीच 'तू-तू, मुख्य-मुख्य' भन्ने चलन चलेको छ। यो मामिला यस्तो बिन्दुमा पुगेको…

प्रतिकृयाहरू
...