सामान्य समस्यामा हस्पिटल पर्याईएका मोरङ पथरीशनिश्चरे ५ का १७ महिनाका सोहान राईको मृत्यू भएपछि तनाव सिर्जना भएको छ ।
पथरीशनिश्चरे ५ सुन्दरीचौकका स्वस्तिका राई र जीवन राईको बच्चा सामान्य बिरामी भएपछि मोरङको पथरीशनिश्चरेस्थित पथरी हस्पिटलमा उपचार गर्न लगिएको थियो । उपचारको क्रममा पुर्याईएका बालकको २४ घण्टाको अन्तरालमा मृत्यू भएको हो । २४ घण्टा सम्म राख्दा पनि नानीको अवस्थामा सुधार नआएपछि परिवारले बारम्बार हस्पिटललाई घचघचाएका थिए ।
२७ गते ३ बजे नानिलाई हस्पिटलमा भर्ना गरिएको नानिको २८ गते १ बजेतिर नाकबाट रगत आएपछि परिवारले डाक्टरलाई जानकारी गराउँदा सामान्य भनेर रगत सफा गरिदिएको र ४ बजे तिर मुखबाट ब्लड निस्केपछी हस्पिटलले नोवेल रेफर गरेको आमा स्वस्तिकाको भनाई छ । त्यस पछि नोवेल लगिएको नानिको मृत्यू भएपछि फर्काएको आमा स्वस्तिका बताउँछिन । १ घण्टा ढिलाई भएको भनेर डाक्डरले अक्सिजन लगाएर फर्काएको उनको भनाई छ ।
बच्चाको मृत शरीर लिएर पथरी हस्पिटल पुगेका परिवारलाई हस्पिटलका सेयरहोल्डर पृथ्वी आले मगरले अभद्र व्यवहार गरेको भन्दै हस्पिटलमा तनाव सिर्जना भएको छ । आक्रोशित माहोलले मगरमाथि हातपात समेत गरेका छन । फिजिसियन डाक्टर सौरव आचार्यले चेक जाँच गरेको कारण र हस्पिटलको हेलचेक्राईले बच्चाको मृत्यू भएको परिवारको दाबी छ । डाक्टर उपस्थित गराई घटनाबारे सत्य तथ्य सार्वजनिक गर्न परिवारले माग गरेको छ ।
