Thursday 3rd July 2025

रोल्पामा जातीय छुवाछुत अन्त्यको लागि अभियान शुरू


तितोपाटी – जातीय छुवाछूत अन्त्य गर्ने उद्देश्यले रोल्पाका स्थानीय तहका सरकारले सामाजिक अभियानको थालनी गरेका छन् ।

जातीय छुवाछूत समृद्ध समाजका लागि बाधक भएको जनाउँदै यहाँका स्थानीय तहका सरकारले यो अभियान शुरु गरिएको हो ।

जिल्लामा रहेका दलितको साझा संस्था दलित जनाधिकार मञ्चसँगको साझेदारीमा जिल्लाभर उक्त अभियान थालनी गरिएको बताइएको छ ।

विगतमा सशस्त्र द्वन्द्वको कम प्रभाव रहेका तथा बाहुन क्षेत्रीको घनाबस्ती रहेका क्षेत्रमा जातीय छुवाछूत बढी रहेको दलित जनाधिकार मञ्च रोल्पाका सचिव मानसिं विकले जानकारी दिनुभयो । सशस्त्र द्वन्द्वबाट प्रभावित तथा जनजाति बाहुल्य क्षेत्रमा छुवाछूत निकै कम देखिएको उहाँले बताउनुभयो ।

बालीघरे प्रथाको अन्त्य, पञ्चे बाजा समूहको व्यवसायीकरण तथा जातीय छुवाछूत अन्त्य भएको सुनिश्चितता भएपछि वडालाई जातीय छुवाछूतमुक्त वडा घोषणा गरिने दलित अभियान्ताले जनाएका छन् ।

अभियानअन्तर्गत प्रशिक्षण, अन्तक्र्रिया, सहभोज, परामर्शजस्ता कार्यक्रम सञ्चालन गरिरहेको जनाइएको छ ।
जिल्लाका सबै स्थानीय तहका सरकारले दलित जनाधिकार मञ्चको साझेदारीमा अभियान सञ्चालन गरिरहेको सचिव विकले जानकारी दिनुभयो ।

जिल्लालाई जातीय छुवाछूतमुक्त गर्ने उद्देश्यका साथ पाँच वर्षे रणनीति योजनासमेत तयार गरिएको छ । सो योजनाअनुसार हालसम्म साविकका थवाङ, पाछावाङ, कोटगाउँ, रांसी र सेरम गाविस छुवाछूतमुक्त भएको दलित जनाधिकार मञ्च रोल्पाले जनाएको छ ।


सम्बन्धित शीर्षकहरु

वासिङ्टन: राष्ट्रपति डोनाल्ड ट्रम्पले मंगलबार इजरायलले गाजामा ६० दिने युद्धविरामको लागि सर्तहरूमा सहमति जनाएको र अवस्था बिग्रनु अघि हमासलाई सम्झौता…

चर्चित हास्यकलाकार केदार घिमिरे अर्थात "माग्ने बुढा"को शिर्ष भूमिका रहेको नेपाली चलचित्र "माग्ने राजा" को टिजर सार्वजनिक भएको छ। आउदो…

कुवेत – कुवेतमा काम गर्दै आएकी चितवन भरतपुर–१८ स्थायी घर भएकी स्व. बिमला सार्किको शव नेपाल पठाउन प्रवासी नेपाली मञ्च…

प्रतिकृयाहरू
...