Friday 3rd October 2025

म्याच फिक्सिङ मुद्दाका सबैलार्इ सफाइ


तितोपाटी – अन्तर्राष्ट्रिय फुटबल प्रतियोगितामा म्याच फिक्सिङ अर्थात् खेल मिलेमतो गरेको आरोपमा तीन वर्षअघि राज्यविरुद्धको अपराध गरेको अभियोग लगाइएका एक प्रशिक्षक, एक स्वास्थ्य सहायक तथा चार खेलाडीले विशेष अदालतबाट बिहीवार सफाइ पाएका छन्।

तत्कालीन राष्ट्रिय टोलीका खेलाडीहरू सागर थापा, रितेश थापा, सन्दीप राई र विकास सिंह क्षेत्री, अनि प्रशिक्षक अञ्जन केसी र फिजियोथेरापिस्ट डेजिव थापाले सफाइ पाएका हुन्।

विसं २०७२ साल कार्तिक महिनामा उनीहरूविरुद्ध ‘राज्य विप्लव’ को मुद्दा दायर भएको थियो। विशेष अदालतको संयुक्त इजलासले सबै अभियुक्तलाई सो मुद्दामा सफाइ दिएको हो।

राष्ट्रिय फुटबल टोलीले खेलेका एक दर्जनभन्दा बढी खेलहरूमा अवैधानिक रूपमा पैसा लिएर खेल हार्ने गरेको आरोप उनीहरूले खेपेका थिए।

एशियाली फुटबल महासंघ (एएफसी) ले भने म्याच फिक्सिङको प्रकरण सार्वजनिक हुनासाथ उनीहरू सबै जनालाई फुटबल खेल्नबाट आजीवन प्रतिबन्ध लगाइसकेको छ।

विशेष अदालतले फैसला सुनाउँदा डेजिव थापाबाहेक अन्य पाँच जना उपस्थित थिए। मुद्दा चल्दा थापा विदेशमा थिए र उनी मुद्दा खेप्न उपस्थित भएनन्।

म्याच फिक्सिङबारे कानुन
नेपालमा म्याच फिक्सिङको प्रकरण पहिलो पटक देखिँदा कानुनको अभाव देखिएको थियो।

उक्त प्रकरणपछि निर्मित फौजदारी कसुरसम्बन्धी विधेयकमा म्याच फिक्सिङलाई राष्ट्रहित प्रतिकूलको कार्य भन्दै दण्डको व्यवस्था गरियो।

फिक्सिङ गरेको प्रमाणित भए पाइएको रकम जफत गरी अभियुक्तलाई तीन वर्ष कैद र ३० हजार रुपैयाँ जरिवाना गर्ने व्यवस्था छ।

सट्टेबाजीको आरोप
केही हप्ताअघि अञ्जन केसी फुटबल र क्रिकेटका अन्तर्राष्ट्रिय खेलहरूमा बाजी खेलाउने गिरोहमा संलग्न भएको आरोपमा पुन: पक्राउ परेका थिए। तर पछि उनी धरौटीमा छुटे।

प्रहरीका अनुसार सो गिरोहले विभिन्न खेलहरूमा सट्टेबाजी गराएर करोडौँ रुपैयाँ बराबरको कारोबार गरेको थियो।

सो गिरोहका सदस्यमार्फत् एक व्यक्तिले २५ हजार रुपैयाँदेखि १५ लाख रुपैयाँसम्मको बाजी खेल्ने गरेको प्रहरीको दाबी छ।


सम्बन्धित शीर्षकहरु

तितोपाटी- नेपाली क्रिकेटका चर्चित  सन्दिप लामिछाने वेस्ट इन्डिजसँगको शृंखलाअन्तर्गत अन्तिम २ खेलका लागि निलम्बनमा परेको खुलेको छ । नेपाल क्रिकेट…

दुई पटकको विश्वकप विजेता वेस्ट इन्डिजसँगको टी-२० सिरिज नेपालले जितेको छ। तीन खेलको सिरिज नेपालले २–१ ले जितेको हो। सुरुका…

आश्विन शुक्ल नवमीका दिन आज दशैंघर वा पूजा कोठामा नौ दुर्गामध्येकी नवौं सिद्धिदात्री देवीको विधिपूर्वक पूजाआराधना गरिँदै छ। प्रत्येक वर्ष…

प्रतिकृयाहरू
...