भारतीय हास्यकलाकार भारती सिंह श्रीमान् हर्ष लिम्बाचियासँग च्याट शो ‘जज्बात’ मा चाँडै नै देखिनेछिन् ।
हालै सुटिङ सेटका केही फोटो सार्वजनिक भएका छन् जसमा कार्यक्रम प्रस्तोता राजिव खंडेलवाल बेहोस भएको देखिएका छन् । राजिव बेहोस हुने बित्तिकै उनको वरिपरि कार्यक्रमका क्रु मेम्बर्सको भीड लागेकोसमेत तस्बिरले बतायो भने कार्यक्रममा पाहुनाको रुपमा आएकी भारती निकै तनावमा परेको पनि देखियो ।
तर वास्तविकता त्योभन्दा भिन्न रहेछ । राजिवले भारतीलाई झुक्याउन प्र्यांकको योजना बनाएका थिए र उनी यसमा सफल पनि भए ।
राजिव बेहोस भएको घटनालाई भारतीले वास्तविक सम्झिइन् र उनी यो देखेर निकै तनावमा परिन् । धेरै बेरसम्म प्र्यांकलाई वास्तविक घटना बुझिरहेकी भारती भावुक पनि भइन् । यो देखेपछि कार्यक्रम प्रस्तोताले उनलाई अंगालो हाले ।
सेटमा भारतीले गरिन् दोस्रोपटक विवाहः
सेटमा भारतीले श्रीमान हर्षसँग दोस्रोपटक विवाह गरे । दुबैले एक–अर्कालाई माला लगाए । राजिवले भने ताली बजाइरहे ।
-रातोपाटीबाट
