Saturday 28th June 2025

श्रीदेवीकी छोरी जान्ह्वीको म्यागजिनको लागि पहिलो फोटो सुट


एजेन्सी – श्रीदेवीकी जेठी छोरी जान्ह्वी कपुरले एक फेशन म्यागजिनका लागि पहिलोपटक फोटोसुट गराएकी छिन् । म्यागजिनको जून महिनाको संस्करणका लागि उनी कभर गर्ल पनि हुन् । उक्त फोटोसुटमा जान्ह्वी फ्लोरल प्रिन्टको आउटफिटमा देखिएकी छिन् । अर्को फोटोमा भने उनले हल्का हरियो रङको ड्रेस लगाएकी छिन् । म्यागजिनका लागि जान्ह्वीको फोटो फोटोग्राफर प्रसाद नायकले खिचेका हुन् ।

यसै म्यागजिनलाई जान्ह्वीले अन्तर्वार्ता पनि दिएकी छिन् । यस क्रममा उनले आफ्नी आमा श्रीदेवीलाई सम्झिएकी छिन् । उनले आमाको मृत्युपछिको दुखबाट कहिले पनि उत्रन नसक्ने बताएकी छिन् । यद्यपी, उनले आमाको मृत्युपछि छरिएको परिवार एक भएको बताएकी छिन् । उनले भनिन्, ‘आमाको मृत्युपछि पूरा परिवारले एक अर्कालाई साथ दिए । हामी एक अर्कालाई सहयोग र समर्थन गरिरहेका छौं । ’

जान्ह्वी थप्छिन्, ‘मलाई आफ्ना आमाबुवाप्रति गर्व छ र अब मैले पनि उहाँहरुलाई मप्रति गर्व महसुस गराउन केही गर्नुपर्छ । ’

दिवंगत आमाले उनलाई अभिनयबारे सिकाएको पनि उनले बताएकी छिन् । आमालाई उद्धृत गर्दै उनी भन्छिन्, ‘तिमीले कुन रोल पाउँछौ त्यो महत्वपूर्ण होइन, ठूलो कुरा यो हो कि तिमीले उक्त रोलमा कस्तो छाप छोड्छौ ।’

जान्ह्वी कपुर फिल्म धडकबाट बलिउडमा डेब्यू गरिरहेकी छिन् । उक्त फिल्ममा उनका को–स्टार शाहिदका भाइ ईशान खट्टर हुन् ।


सम्बन्धित शीर्षकहरु

पृथ्वी वरिपरि घुमिरहेको अदृश्य तर द्रुत गतिमा बढ्दो खतरा भनेको अन्तरिक्ष भग्नावशेष हो। यो भग्नावशेष पुराना उपग्रहहरू, रकेटका टुक्राहरू, भाँचिएका…

इङ्गल्याण्ड हालै NHS मार्फत क्यान्सर बिरामीहरूको लागि इम्युनोथेरापी उपचारको नयाँ, छिटो रूप प्रदान गर्ने युरोपको पहिलो देश बनेको छ। यस…

कुवेतभरिका लुलु हाइपरमार्केटहरूले जुन २५ देखि जुलाई ८, २०२५ सम्म चल्ने आफ्नो बहुप्रतिक्षित टेक फेस्टिवल, लेट्स कनेक्ट आधिकारिक रूपमा सुरु…

प्रतिकृयाहरू
...