Saturday 28th June 2025

गोविन्दाले मन्दिरमा भैंसीको वलि दिएको विषयले हंगामा


तितोपाटी – बलिउड अभिनेता गोविन्दा मन्दिरमा भैंसी बली दिएको विषयले विवादमा तानिएका छन् । गुहाटीस्थित कामाख्या मन्दिरमा गत सोमबार दर्शन गर्न पुगेका उनले भैंसी बली दिएको चर्चा छ ।

आसामका चर्चित गायक तथा फिल्मकर्मी जुबेन गर्गले यो विषयलाई सामाजिक सञ्जालमार्फत बाहिर ल्याएका थिए । उनले गोविन्दाले भैंसी काटेको आफूले सुनेको भन्दै टि्वटरमा लेखेका थिए, ‘भगवानले कहिले पनि पशु बली माग्नु हुन्न । पशुको बली दिन होइन, बलिदान गर्न सिक्नुस गोविन्दा जी ।’

उनको यो टि्वटले ठूलै तरंग ल्याएको छ । मानिसहरु गोविन्दाको पक्ष र विपक्षमा बाँडिएर बहस गरिरहेका छन् । हिन्दूवादीहरुले भने गोविन्दाको बचाउ गरेका छन् ।

विवाद चर्किँदै गएपछि मन्दिर व्यवस्थापनले यस विषयमा प्रष्टिकरण दिएको छ । उसले गोविन्दाले भैसीं काटेको कुराको खन्डन गरेको छ ।
‘गोविन्दा यहाँ आउनुभएको थियो, र केवल १५ मिनेट बिताउनुभयो । उहाँले भैैंसी बलि दिएको कसैले देखेको छैन,’ मन्दिर व्यवस्थापन समितिका सदस्य भुपेश शर्माले भने ।

उनले मन्दिरमा दर्शन गर्न दैनिक २० हजार मानिसहरु आउने गरेको र उनीहरुमध्ये ५० जनाले मात्र पशुबली दिने गरेको उल्लेख गरे । साथै, पशुवली हिन्दूधर्मको एउटा प्रथा भएकाले यसलाई रोक्न नसकिने उनको तर्क छ ।


सम्बन्धित शीर्षकहरु

पृथ्वी वरिपरि घुमिरहेको अदृश्य तर द्रुत गतिमा बढ्दो खतरा भनेको अन्तरिक्ष भग्नावशेष हो। यो भग्नावशेष पुराना उपग्रहहरू, रकेटका टुक्राहरू, भाँचिएका…

इङ्गल्याण्ड हालै NHS मार्फत क्यान्सर बिरामीहरूको लागि इम्युनोथेरापी उपचारको नयाँ, छिटो रूप प्रदान गर्ने युरोपको पहिलो देश बनेको छ। यस…

कुवेतभरिका लुलु हाइपरमार्केटहरूले जुन २५ देखि जुलाई ८, २०२५ सम्म चल्ने आफ्नो बहुप्रतिक्षित टेक फेस्टिवल, लेट्स कनेक्ट आधिकारिक रूपमा सुरु…

प्रतिकृयाहरू
...