फलित ज्योतिष – राम प्रसाद सिटाैला
मेष
केही दिनको अन्तरालमा मायालुसँग भेट हँुदा हर्षसँगै वेदना समेत आदान–प्रदान हुनेछन् । खानपान एवं जीवनचर्याले स्वास्थ्यमा गडबडी निम्त्याउन सक्छ । बुधबारपछि सहयोगको नाटक गर्नेहरूले फन्दामा पार्ने षड्यन्त्र गर्न सक्छन् । विद्युतीय उपकरणहरू सञ्चालन गर्दा होस पुर्याउनु होला ।
वृष
अन्योलका बीच उन्नतिको मार्ग प्रशस्त हुनेछ । होसियारीपूर्वक गरिएका कार्यबाट पर्याप्त धन आर्जन गर्न सकिनेछ । प्रेमी–प्रेमिकाले मनको कुरा खोल्न ढिलाइ गर्ने छन् । रोजगारीका नौला अवसर प्राप्त हुनेछन् । व्यवसायमा साथीहरूले सहयोग गर्ने परिस्थिति बन्दैछ । विश्वासपात्रलाई वचन दिँदा संयम अपनाउनुहोला ।
मिथुन
बाहिरी गफगाफमा अल्झिँदा व्यापार–व्यवसायमा असर पर्न सक्छ । कसैको साथ खोज्नु आफनो हितमा हुनेछैन । छोटो समयमै फाइदा लिन खोज्नेहरूसँग सावधान रहनुहोला । सेतो रंग प्रयोग गर्दा कतिपय काम सहजै फत्ते हुनेछन् । दु्रत गतिमा सवारी चलाउँदा विपत्ति आइलाग्न सक्छ ।
कर्कट
आर्थिक पक्ष प्रबल हँुदै गएकाले नयाँ तथा पुराना सबै कार्यले फाइदा पुर्याउने देखिन्छ । भोज तथा मनोरञ्जनका निमन्त्रण हात लाग्न सक्छन् । रंग–रमाइलोमा पर्याप्त आनन्द उठाउन सकिनेछ । सेतो तथा गुलाबी रंगको प्रयोग गर्दा प्रशंसा गर्नेहरू बढ्ने छन् ।
सिंह
रोकिएका कामाको गाँठो फुक्ने सम्भावना छ । कुनै पनि कार्यमा ढिलाइ नगर्नुहोला, अन्यथा पछि परिनेछ । अधुरा चाहना पूरा गर्ने समय आएको छ । आर्थिक क्षेत्रमा प्रभुत्व जमाउन सकिनेछ । साताको अन्त्यमा प्रेमी–प्रेमिकाले नयाँ प्रस्ताव राख्ने छन् । सवारी साधन चलाउँदा संयम अपनाउनुहोला ।
कन्या
तपाईंको सफलता देखेर भित्रभित्रै डाह गर्नेहरू प्रसस्तै हुनेछन् भने पछि लाग्नेहरू पनि उत्तिकै छन् । प्रत्येक कार्य सम्पन्न गर्ने क्रममा गोपनियताको हेक्का राख्नुहोला । सामाजिक सेवाका क्रममा केही समय खर्चनुपर्ने हुनसक्छ । भोजभतेर तथा खानपानमा संलग्न हँुदा समयको ख्याल गर्नुपर्ला ।
तुला
व्यापारको सिलसिलामा लामो यात्रा हुने सम्भावना छ । ठूला व्यवसायीसँग उठबस हुँदा कूटनीतिक क्षमता प्रदर्शन गर्नु उचित हुन्छ । मन पराउने साथीले घुमाउरो भाषामा प्रेम प्रस्ताव राख्न सक्छन्, भावना बुझ्ने चेष्टा गर्नुहोला । साताको अन्त्यमा शारीरिक थकानले सताउन सक्छ ।
वृश्चिक
कर्मचारी वर्गले समय, सेवा तथा कार्यशैलीप्रति विशेष ध्यान पुर्याउनुहोला । नयाँ स्थान एवं क्षेत्रमा पदासीन हुने अवसर जुट्नेछ । कार्यक्षेत्र सम्हाल्न ढिलाइ नगर्नु मै आफ्नो कल्याण छ । गुलाबी रंग तथा दक्षिणतर्फको यात्रा बढी फलिफाप होला । वादविवादबाट टाढै रहनु पर्नेछ ।
धनु
व्यवहारमा देखा पर्ने आर्थिक हैरानीबाट मुक्त हुन ठुलाबडाको सल्लाह लिए जटिल अवस्था आइलाग्नेछैन । कार्य व्यस्तताले स्वास्थमा गडबडी देखा पर्न सक्छ, हेलचेक्र्याइँ नगर्नुहोला । साताको अन्त्यमा घरायसी सरसामग्री जोहो गर्न समय खर्चनुपर्नेछ ।
मकर
अध्ययन–अध्यापनमा प्रगति हुनेछ । सामाजिक जिम्मेवारी पूरा गर्दा आफ्नो पहिचान फराकिलो होला । व्यापार–व्यवसायबाट अपेक्षाभन्दा बढी लाभ मिल्नेछ । प्रेमी–प्रेमीकाबीचको सम्बन्ध प्रगाढ हुनेछ । आम्दानीका थप स्रोत फेला पर्न सक्छन् । सहकर्मीहरूसँगको वैचारिक मतभिन्नतामा आफन्तहरूले सहयोग गर्नेछन् ।
कुम्भ
परिश्रम मुताविक राम्रै फल पाइनेछ । पुरुषार्थले नाम तथा दाम स्वत: वृद्धि गराउनेछ । अरूलाई बचन दिने बानीले अप्ठ्यारोमा पार्न सक्छ । जीवनशैलीमा परिवर्तन ल्याउन दृढ संकल्पको खाँचो छ । बोलीको मधुरताको बलमा आर्थिक संकटबाट पार पाइनेछ । पहिलेदेखिको योजना कार्यान्वनयमा ढिलाइ गरे पछि परिएला ।
मीन
पराक्रम बढ्नुका साथै काममा अपेक्षा गरे जस्तै सफलता प्राप्त हुनेछ । विभिन्न खालका प्रतिस्पर्धामा सहभागी भै उत्कृष्ट नतिजा हात पार्न सकिनेछ । पदीय जिम्मेवारीले थप मेहनत तथा समयको अपेक्षा गरेको छ । खानपानको निम्तोमा उपस्थित हुँदा स्वास्थ्यको ख्याल राख्नुहोला । साताको अन्त्यमा प्रेमी–प्रेमिकाले भ्रमणको प्रस्ताव राख्न सक्छन् ।
