Saturday 28th June 2025

विदेशबाट फर्कने श्रमिकले ल्याउन पाउने सुन र टिभी सम्बन्धी नयाँ व्यवस्था


त्रिभुवन अन्तर्राष्ट्रिय विमानस्थल कार्यालयले विदेशबाट फर्कने नेपालीले ल्याउन पाउने सुनको परिमाण र टेलिभिजनको साइजबारे प्रष्ट्याएको छ । कार्यालयले एक सूचना जारी गर्दै विदेशबाट फर्कने यात्रुले नेपाल ल्याउन पाउने सुनको परिमाण र टेलिभिजनबारे प्रष्ट्याएको हो ।

सूचनाअनुसार विदेशबाट फर्कने महिलाको हकमा ५० ग्रामसम्मको सुनको गहन ल्याउँदा भन्सार तिर्न पर्दैन । यस्तै, पुरुषको हकमा भने २५ ग्रामसम्म ल्याउँदा भन्सार तिर्नु नपर्ने कार्यालयले जनाएको छ ।

यसबाहेक, एकजना यात्रु (महिला/पुरुष) ले तोकेभन्दा बढी २०० ग्रामसम्म सुनको गहना ल्याउन पाउने र त्यसको भन्सार तिर्नुपर्ने व्यवस्था छ तर काँचो सुनलाई बंग्याएर बेरुवा, औंठी, बाला, सिक्री जस्ता रसायन प्रयोग नगरिएको सुनलाई गहनाको मान्यता दिइने छैन ।

त्यसै गरि श्रम स्वीकृति लिइ लगातार १ वर्षभन्दा बढि समय बसेको नेपाली श्रमिक जसले सामाजिक सुरक्षा कोषमा नियमित रकम जम्मा गरेको छ उनीहरूले मात्रै जति ठुलो साइजको टिभी पनि विना भन्सार लैजान पाउँछन् । श्रम गरेर लगातार १ वर्षभन्दा बढि काम गरेर स्वदेश फर्केपनि सामाजिक सुरक्षा कोषमा सहभागी नभएको श्रमिकलाइ भने यो सुविधा प्राप्त हुने छैन ।


सम्बन्धित शीर्षकहरु

नेपाल पत्रकार महासंघ, वैदेशिक शाखा कुवेतले आफ्नो १६औं स्थापना दिवसको अवसरमा “श्रमिक सचेतना कार्यक्रम २०२५” भव्य तथा सफलतापूर्वक सम्पन्न गरेको…

गाजा शहर: गाजाको नागरिक रक्षा एजेन्सीले शुक्रबार इजरायली सेनाले कम्तिमा ६२ जनाको हत्या गरेको बताएको छ, जसमा युद्धग्रस्त प्यालेस्टिनी क्षेत्रमा…

भारत, पोल्याण्ड र हंगेरीका ४० वर्षभन्दा बढी समयपछि पहिलो अन्तरिक्ष यात्रीहरू बिहीबार अन्तर्राष्ट्रिय अन्तरिक्ष स्टेशनमा आइपुगेका छन्, स्पेसएक्सले निजी उडानमा…

प्रतिकृयाहरू
...