डा. हरिमोहन पोखरेल, कोहिमा/मणिपुर राज्यको नुने जिल्ला अंतर्गत तुपुलमा आज गएको ठूलो पहिरोमा व्यापक रूपमा छति भएको र जानमालको समेत नोक्सानी भएको समाचार प्राप्त भएको छ ।
अहिले सम्म प्राप्त समाचार अनुसार नुनेमा रहेको सैन्य ब्यारेकमा गएको पहिरोले लगभग पचपन्न सैनिकहरू माटोमा दबिएको र छहवटा मात्र शव फेला परेको समाचारले पुष्टि गरेको छ ।
उक्त घटना भएको केही क्षण मै राज्यका मुख्यमन्त्री एन बिरेनले घटनास्थलको भ्रमण गर्नुको साथै युद्ध स्तरमा राहत र सुरक्षाको लागि एनडीआरएफ र एसडीआरएफका पर्सनलहरू घटना स्थलमा पठाएको र अहिले सम्म युद्धस्तरमा खोजी तलालीको काम जारी रहेको कुरा सूत्रबाट स्पष्ट भएको छ ।
समाचारले अगाडि जनाएको छ कि यस तत्कालीन राहतका लागि मुख्यमन्त्री एन बिरेनले आपत्कालीन बैठक डाकेर घटनाको समीक्षा गरेको र राहतको लागि जारी रहेको कुरा पनि थाहा पाइएको छ ।
अहिलेसम्म नुनेमा के कति हानी नोक्सानी भयो त्यसको अंदाजा लगाउन नसके पनि यसपटकको प्राकृतिक प्रकोपले दिएको पाठ भने कम होइन ।यो रिपोर्ट लेखुंजेल सम्म अन्य केही नौलो जानकारी र घोषणा भएको खबर छैन ।
—-
कोहिमा नागालैंड भारत
