Tuesday 17th November 2026

टी-२० वरीयताको अलराउन्डरमा कप्तान पारस २५औं स्थानमा


अन्तर्राष्ट्रिय क्रिकेट परिषद् (आइसिसी) को टी-२० वरीयतामा नेपालका कप्तान पारस खड्का अलराउन्डरतर्फ २५ औं स्थानमा आइपुगेका छन्। उनीभन्दा तल भारतका सुरेश रैना २६ स्थानमा छन्। यस्तै पारसले अफगानिस्तानका रासिद खानलाई पनि पछि पारेका छन्।

अलराउन्डरको शीर्ष स्थानमा अस्ट्रेलियाका ग्लेन म्याक्सवेल छन्। बंगलादेशका सकिब अलहसन दोस्रो र अफगानिस्तानका मोहमद नाबी तेस्रो स्थानमा छन्।अलराउन्डरमा नेपालका सोमपाल कामी ६६ स्थानमा छन्।

ब्याटिङमा पारस ६६ स्थानमा छन्। पारस भन्दा तल भारतका महेन्द्रसिंह धोनी ६७औं स्थानमा छन्। वरीयतामा वेस्ट इन्डिजका क्रिसल गेल ७३  स्थानमा झरेका छन्। शीर्ष स्थानमा पाकिस्तानका बाबर अजाम छन्। दोस्रो स्थानमा न्युजिल्यान्डका कोलिन मुनरो र तेस्रो स्थानमा अस्ट्रेलियाका ग्लेन म्याक्सवेल छन्।

बलिङमा नेपालका बसन्त रेग्मी ७१ रनमा छन् भने सोमपाल कामी ७८ स्थानमा यथावत छन्। बलिङमा अफगानिस्तानका रासिद खान शीर्ष स्थानमा छन्। पाकिस्तानका इमाद वासिम दोस्रो र पाकिस्तानकै सादब खान तेस्रो स्थानमा छ।

-सेतोपाटीबाट


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...