Monday 16th November 2026

बंगलादेश बन्यो साफ यु – १५ च्याम्पियन


तितोपाटी – बंगलादेशले टाइब्रेकरमा पाकिस्तानलाई हराएर शनिबार एन्फा कम्प्लेक्समा सम्पन्न साफ यू–१५ च्याम्पियनसिपको उपाधि कब्जा गरेको छ  । अखिल नेपाल फुटबल सङ्घ (एन्फा) मैदान सातदोबाटोमा शनिबार भएको फाइनल खेलमा पाकिस्तानलाई पेनाल्टी सुटआउटमा ३–२ गोलले पराजित गर्दै बङ्गलादेशले उपाधि जितेको हो। निर्धारित ९० मिनेट र अतिरिक्त समयमा एक एक गोलको बराबरीमा खेल सकिएपछि खेलको निर्णय पेनाल्टी सुटआउटबाट गरिएको थियो।

फाइनल निर्धारित समय १–१ मा टुंगिएपछि टाइब्रेकरमा ३–२ को सफलता हासिल गर्दै बंगलादेश साफ यू–१५ मा दोस्रोपल्ट च्याम्पियन भएको हो । बंगाली बैकल्पिक गोलरक्षक मेहदी हसनले तीन पेनाल्टी बचाएका थिए । यसअघि सन् २०१५ मा घरेलु मैदानमा भएको च्याम्पियनसिप जितेको थियो ।

तेस्रो स्थानका लागि भएको खेलमा भारतले नेपाललाई १–० ले हरायो । त्यसमा थालाचेउले १७ औं मिनेटमा गरेको गोल निर्णायक बन्यो । नेपाली टिमलाई सेमिफाइनलमा पाकिस्तानले ४–० ले पराजित गरेको थियो । प्रतियोगितामा पाकिस्तानका हसिब मोहम्मद खान उत्कृष्ट खेलाडी बने। यस्तै चार गोल गर्दै बङ्गलादेशका मोहम्मद सर्वाधिक गोलकर्ता चुनिए। बङ्गलादेशले फेयरप्ले टोलीको अवार्ड समेत हात परेको छ।


सम्बन्धित शीर्षकहरु

अन्तर्राष्ट्रिय समाचार | १५ नोभेम्बर २०२६ / भारतले बंगलादेशकी पूर्वप्रधानमन्त्री शेख हसिनालाई स्वदेश फर्काउन सहजीकरण गर्न सक्ने संकेत दिएको छ।…

वरिष्ठ नेपाली अभिनेत्री गौरी मल्ल र हास्य कलाकार मनोज गजुरेललाई प्रहरीले पक्राउ गरेको भन्दै सामाजिक सञ्जालमा भाइरल भएको भिडियो भ्रामक…

काठमाडौं | जलवायु कूटनीति / नेपालका परराष्ट्रमन्त्री शिशिर खनालले संयुक्त राष्ट्रसंघीय जलवायु परिवर्तनसम्बन्धी महासन्धिका पक्ष राष्ट्रहरूको ३१औँ सम्मेलन (कोप–३१) मा…

प्रतिकृयाहरू
...